Qujat óńiraralyq aıyrmashylyqty azaıtýǵa jáne halyqtyń ómir súrý sapasyn arttyrýǵa arnalǵan.
Tujyrymdama halyqty bazalyq ınfraqurylymmen (áleýmettik, ınjenerlik, kóliktik jáne t.b.) birkelki qamtamasyz etý, óńirlerdiń teńgerimdi ekonomıkalyq damýy, sondaı-aq óńirlik saıasatty iske asyrý tetikterin jetildirý syndy úsh negizgi baǵytty qamtıdy.
Oljas Bektenov: Aýyldyq jerlerdegi turǵyn úı qurylysyna kóńil bólý kerek
Negizgi nazar ınfraqurylym men qyzmetterge qol jetkizýdegi óńirler arasyndaǵy dısproporsııalardy joıýǵa aýdaryldy. Memlekettiń kúsh-jigeri el turǵyndary úshin memlekettik qyzmetter men ıgilikter sapasynyń bazalyq deńgeıin qamtamasyz etedi.
О́ńiraralyq aıyrmashylyqty qysqartýdyń mańyzdy quraly О́ńirlik standarttar júıesi (О́SJ) – bazalyq jáne jaıly ómir súrý úshin qajetti obektiler men qyzmetterdiń biryńǵaı tizbesi. Jańa tásilderdi engizý úshin jańa Bıýdjet kodeksine О́SJ talaptaryn eskere otyryp, bıýdjet shyǵystaryn josparlaýdy qarastyratyn normalar engizilgen.
Sonymen qatar óńirlerdiń ekonomıkalyq áleýetin arttyrý jumysy júrgizilip jatyr. Indýstrııalyq damý men agroónerkásiptik keshen úshin mamandandyrylǵan faktorlar qurý, mono jáne shaǵyn qalalardyń, sondaı-aq aýyldyq eldi mekenderdiń ekonomıkasyn ártaraptandyrýǵa basymdyq beriledi.
Tujyrymdama sheńberinde bes makroóńirdi: Batys, Ońtústik, Soltústik, Ortalyq-Shyǵys, sondaı-aq Astana men Almatynyń iri aglomerasııalaryn damytýǵa erekshe nazar aýdaryldy. Árbir makroóńir úshin geografııany, ekonomıkalyq mamandanýdy, naryqtyq baılanystar sıpatyn jáne halyqty qonystandyrý júıesin eskere otyryp, damýdyń basym baǵyttary aıqyndaldy.
Sonymen qatar, Tujyrymdamada aýyldyq jáne shekara mańyndaǵy aýmaqtardy damytýǵa erekshe nazar aýdarylǵan. Qujatqa memlekettik saıasattyń sabaqtastyǵyn qamtamasyz etetin aýyldyq aýmaqtardy damytýdyń buryn qoldanysta bolǵan tujyrymdamasynyń erejeleri engizilgen. Budan basqa, «Aýyl amanaty» jáne «Aýyl – el besigi» jobalarynyń sharalary úılestirilgen túrde iske asyrylýda, bul olardyń tıimdiligin arttyrady.
Almasadam Sátqalıev: Ǵylymdy ilgeriletý áleýmettik ınfraqurylymnan bastalady
Aýyl ınfraqurylymyn jańǵyrtýdyń negizgi baǵdarlamalarynyń biri aýyl turǵyndarynyń ómir súrý sapasyn arttyrýǵa arnalǵan «Aýyl – el besigi» jobasy bolyp qala beredi. 2019-2025 jyldary onyń sheńberinde 2,5 myń tirek jáne spýtnıktik aýyldarda 7,6 myńǵa jýyq joba iske asyryldy. 900 TKSh nysany, 2,4 myń áleýmettik nysan jáne 4,3 myńnan astam kentishilik jol salynyp, jóndeldi.
Bıýdjet kodeksine sáıkes, 2026 jyldan bastap aýyldyq eldi mekenderdegi ınfraqurylymdyq jobalardy qarjylandyrý jergilikti bıýdjetter qarajaty (jalpy sıpattaǵy transfertter) esebinen júzege asyrylady.
Aýyl halqynyń tabysyn arttyrý úshin 2023 jyldan bastap aýyl turǵyndary men shaǵyn qala turǵyndarynyń bıznes-bastamalaryna kredıt berýge baǵyttalǵan «Aýyl amanaty» jobasy iske asyrylyp keledi. Joba bastalǵannan beri 18,5 myńnan astam shaǵyn nesıe berilip, 21 myńnan asa jańa jumys orny quryldy.
«Aýyl amanaty»: Ulytaýda sharýalarǵa jeńildetilgen nesıe beriledi
Budan basqa, aýyldaǵy kadr tapshylyǵyn sheshý úshin densaýlyq saqtaý, bilim berý, mádenıet, sport, áleýmettik qorǵaý jáne agroónerkásiptik keshen salasyndaǵy mamandardy aýyldyq jerde jumys isteýge jáne turýǵa yntalandyratyn «Dıplommen aýylǵa» baǵdarlamasy iske asyrylyp jatyr. Joba 2009-2025 jyldary iske qosylǵan sátten bastap, 54,8 myń maman 214 mlrd teńgege turǵyn úı satyp alýǵa bıýdjettik kredıt aldy. 2025 jyly 2,8 myń mamanǵa turǵyn úı kredıti berilse, 2026 jyly 2,5 myń mamanǵa qoldaý kórsetý josparlanyp otyr.
