Máselen,18 naýryzda túngi 24:00-ge deıin Beıjińge basqa elderden ushyp kelgen 21 adamnan vırýs tabylǵan. Pandemııa jaılap bara jatqan Eýropaǵa qaraǵanda, Qytaıdy qaýipsiz dep eseptegen adamdar óz memleketin osyndaı jaǵdaıǵa qaıta dýshar etip otyr.
Osy aqparattardyń anyq-qanyǵyn bilip berýdi suraǵanymyzda, Qytaı Halyq Respýblıkasynyń Almatydaǵy Bas konsýldyǵy tómendegideı málimettermen bólisti.
Konsýldyq qyzmetkerleri bergen aqparattarǵa súıensek, keshe 17 naýryzda bar bolǵany 13 adamda vırýs bar ekendigi anyqtalǵan-dy. Onyń ishinde 1 naýqas Ýhan qalasynda bolsa, qalǵan 12 adam Beıjiń, Gýandýn, Shanhaı, Sychýanǵa basqa memleketterden ushyn kelgen Qytaı azamattary.
Qytaıdaǵy búgingi, ıaǵnı 19 naýryzdaǵy naqty jaǵdaı túngi 24:00 kezinde jarııa bolady.
Al, keshe 18 naýryzda Qytaıda jańadan vırýs juqtyrǵandar sany 34 adam boldy. Beıjińde bir kúnde basqa memleketterden Qytaıǵa oralǵan 21 adamnan, Gýandýnde 9, Shanhaıda 2, Heılýnszıanda 1, Chjeszıanda 1 adamnan koronavırýs tabyldy.
Sońǵy kúnderge deıin bul memlekette jańadan aýrý juqtyrǵandar sany 13-20 ǵana bolyp kelgen edi.
ALMATY
