Ústimizdegi jyldyń 22 tamyzynda elorda vokzalynan «Astana – Atyraý» baǵytyndaǵy №19/20 jańa júrdek poıyzy saparǵa attandy. Kólik jáne kommýnıkasııa mınıstrligi baspasóz qyzmetiniń habarlaýynsha, bul júrdek poıyzdyń sapardaǵy ýaqyty 22 saǵat 57 mınótti quraıdy.
Ústimizdegi jyldyń 22 tamyzynda elorda vokzalynan «Astana – Atyraý» baǵytyndaǵy №19/20 jańa júrdek poıyzy saparǵa attandy. Kólik jáne kommýnıkasııa mınıstrligi baspasóz qyzmetiniń habarlaýynsha, bul júrdek poıyzdyń sapardaǵy ýaqyty 22 saǵat 57 mınótti quraıdy.
Elimizdiń bolat jolyna alǵash shyqqan bul júrdek poıyzy tolyqtaı «Talgo» vagondarynan turady. Jelmen jarysqan jaıly da júrdek poıyz tórt kúnde bir ret saparǵa shyǵatyn bolady.
Astana vokzalynan alǵash ret Atyraýǵa baǵyt alǵan bul júrdek poıyzdyń quramynda 27 vagon bar. Onyń 22-si jolaýshylar tasymaldaıtyn jaıly vagondar bolsa, onyń ishinde 2-ýi «Grand» klasyndaǵy (eki oryndyq lıýks), 2-ýi «Bıznes» klasyndaǵy (eki oryndyq) jáne 18-i «Týrıst» klasyndaǵy (tórt oryndyq ekonomklastar) vagondar bolyp tabylady. Sonymen birge, júrdek poıyz quramyna 3 tehnıkalyq vagon, 1 vagon-bar, 1 vagon meıramhana tirkelgen. «Grand» klasyndaǵy vagondardyń biri múmkindikteri shekteýli múgedek jolaýshylarǵa laıyqtalyp jabdyqtalǵan.
Sonymen birge, 25 tamyzda «Astana – Semeı» baǵytynda taǵy da bir júrdek poıyz jasaqtalyp, saparǵa attanady. Bul poıyzdyń sapardaǵy ýaqyty 12 saǵat 45 mınótti quraıdy. Buryn jol azabyn tartatyn Atyraý jáne Semeı baǵytyna qatynaıtyn jolaýshylar endi jaıly da júrdek poıyzdarmen saparǵa shyǵatyn bolady. Eske sala ketetin bolsaq, qazirgi ýaqytta Qazaqstanda tutastaı «Talgo» vagondarymen jasaqtalǵan 5 júrdek jolaýshylar poıyzy saparǵa shyǵady.
Nııaz JYLQYBAEV.
