Agrarshylardyń boljamynsha, Aqmola alqaptarynyń berekesi bıyl da molynan bolmaq. Endigi mindet mańdaı termen jınalatyn astyqtyń qozǵalysyn qadaǵalap, ony tutynýshyǵa toqtaýsyz jetkizý ekendigi belgili. Bul oraıda temirjolshylar atqarar sharýa óte jaýapty. О́ıtkeni, TMD elderinde, Eýroodaqta, Taıaý Shyǵys pen Ortalyq Azııada Aqmola astyǵyna suranys joǵary.
Agrarshylardyń boljamynsha, Aqmola alqaptarynyń berekesi bıyl da molynan bolmaq. Endigi mindet mańdaı termen jınalatyn astyqtyń qozǵalysyn qadaǵalap, ony tutynýshyǵa toqtaýsyz jetkizý ekendigi belgili. Bul oraıda temirjolshylar atqarar sharýa óte jaýapty. О́ıtkeni, TMD elderinde, Eýroodaqta, Taıaý Shyǵys pen Ortalyq Azııada Aqmola astyǵyna suranys joǵary.
«Qazaqstan temir joly» AQ-tyń Aqmola bólimshesinen alynǵan derekter boıynsha, oblys aýmaǵynda 30 astyq tıeý-túsirý stansasy, onyń ishinde tuıyq jolmen baılanysatyn 23 elevator men 20 astyq qabyldaý kásiporny bar. Bulardyń qatarynda Aqkól, Makınka, Býrabaı kýrorty, Qyryqynshy, Azat, Jaqsy, Atbasar, Jaltyr, Erkinshilik stansalary anaǵurlym iriler qataryna jatady. Sondaı-aq, «APK-Invest», «Greın Treıd», «Qazaqstandyq Astyq kompanııasy», «QazEksportAstyq», «Vıtalmar», «AgroStarGreın», «Azııa AgroFýd» jaýapkershiligi shekteýli seriktestikteri turaqty astyq jóneltýshiler sanatynda bolsa, «TNK Agrofırmasy», «Kolýton», «Inter Traıd», «Bava», «Gressa», «Lımar Agro» seriktestikteri syrtqa un shyǵarýda tabysty jumys isteýde.
Taıaýda oblys ákiminiń birinshi orynbasary Rashıt Ákimov ótkizgen májiliste atalǵan kásiporyndardyń barlyǵy astyq qabyldaýǵa 100 paıyz daıyn ekendigi aıtyldy. Áıtkenmen, qolda bar astyqtyń qozǵalysy toqtaýsyz júrgizilýi kerek. О́ıtkeni, qoımalardyń jalpy syıymdylyǵy 3,5 mıllıon tonna, al kúz yryzdyǵy 5 mıllıon tonnadan asady dep kútilýde.
Bul oraıda, aqmolalyq temirjolshylarǵa yrzalyq bildirýge bolatyndaı. Bıylǵy 7 aıdyń ózinde 19639 vagon tıelip, 1320513 tonna astyq tasymaldanypty. Onyń ishinde ishki rynokqa 490196 tonna, eksportqa 830317 tonna baǵaly ónim jóneltilgen. Osy oraıda, Aqtaý porty arqyly Iranǵa 63441 tonna astyq jetkizilgenin bólektep aıtýǵa bolady. Mundaǵy negizgi úles «QazTemirTrans» AQ-tyń vagon parkine tıesili.
Temirjolshylar bıylǵy astyq tasymalyna 7476 vagondy turaqty túrde saparǵa shyǵaryp otyrmaq. Munyń 1361-i 2012-2013 jyldary satyp alynǵan vagondar. Buǵan qosymsha, «Qazaqstan temir joly» AQ Reseıdiń «Rýsagrotrans» JAQ, «Tehnotrans» AAQ, Orta Azııa memleketteriniń, Ázerbaıjan men Grýzııanyń vagondaryn paıdalaný jóninde kelissóz júrgizdi. Sondaı-aq, el aýmaǵynda jańa temir jol tarmaqtarynyń iske qosylýy jáne tarıfterdiń anaǵurlym tómendegeni ortaq iske serpin beretini anyq.
Baqbergen AMALBEK,
«Egemen Qazaqstan».
Aqmola oblysy.
