Atalǵan aspaptyq shyǵarmada avtor ál-Farabı ómir súrgen orta ǵasyrlardyń rýhyn jetkizýge tyrysqan. Əl-Farabıdiń shyǵys aspaptarynda tamasha oınap, kanýn mýzykalyq aspabyn oılap tapqany belgili. «Ǵasyrlar marjany» mýzykalyq shyǵarmasy da dál osy kanýn aspabymen oryndalady. Bul týraly kúı avtory Sholpan Qorǵanbek:
«Men óz mýzykamda kanýnnyń dybysyn sol kezdegi atmosfera men mýzykalyq beınelerdi jetkizý úshin qoldandym.
Oıshyl ǵalym mýzykanyń tek teorııasyn zerttep qana qoımaǵan. Ol sondaı-aq təjirıbe júzinde de qoldanyp, kóptegen aspaptarda tamasha oınaǵan. Onyń sheber oryndaýshylyǵy jóninde Shyǵys halyqtary arasynda kúni búginge deıin aıtylyp júrgen kóptegen ańyzdar bar.
Astronomııa, logıka, mýzyka jáne matematıka teorııasy, áleýmettaný jáne etıka, medısına jáne psıhologııa, fılosofııa ǵalymnyń ózin dáleldegen salalary. Sondyqtan da onyń danalyǵy men dúnıetanymy shyǵystyq orta ǵasyrlar mýzykasyna tán únmen jetkizildi.
Shyǵarmany alǵash ret «Korqyt» etno-ansambli oryndady. Al shyǵarmanyń negizgi mazmuny sanalatyn kanýn aspabyn Gúldana Nurabaeva oınap shyqty», dep óz oıyn bildirdi.
