Álem boıynsha ótken táýlikte COVID-19 vırýsynan 1630 adam kóz jumdy. Eń kóp adam shyǵyny bolǵan el – Italııa – bir kúnde 793 adam baqılyq boldy. Al taǵy 6557 adam aýrý juqtyryp úlgergen. Jalpy, elde 53 myń 578 adam koronavırýs juqtyrǵan.
Al Ispanııada bir táýlikte 285 adam kóz jumdy. Indet bastalǵaly beri bul elde vırýstan 1378 adam qaıtys boldy. Bir kúnde 3925 adam aýrý juqtyrǵan. Jalpy, koronavırýs juqtyrǵandar sany – 25 myń 496 adam.
Iranda bir táýlikte 123 adam qaıtys boldy, barlyǵy 1556 adam kóz jumdy. Jańadan aýrý juqtyrǵandar sany — 966, jalpy, 20610 adam qaýipti vırýs juqtyrǵan.
Fransııada — bir táýlikte 112 adam qaıtys bolǵan, al indet bastalǵaly beri 562 adam baqılyq bolǵan. Bul elde bir kúnde 1847 adam aýrý juqtyrǵan, jalpy aýrýlar sany 14459 adamǵa jetti.
AQSh-ta ótken táýlikte 6728 adamnyń qaýipti vırýs juqtyrǵany belgili boldy. Bir kúnde 68 adam kóz jumdy, indet bastalǵaly beri ajal qushqandar sany 324-ke jetti. 26 111 adam aýrý juqtyrǵan.
Qytaıda bir táýlikte 46 adam vırýs juqtyrdy. Koronavırýs juqtyrǵan 6 adam kóz jumdy. Jalpy Qytaı boıynsha 81054 adam vırýs juqtyrǵan.
Qazaqstanda 22 naýryzdaǵy tańerteńgi jaǵdaı boıynsha barlyǵy 56 adamnyń COVID-19 jańa koronavırýsyn juqtyrǵany rastaldy.
Atap aıtsaq, Nur-Sultanda – 31 adam, Almatyda – 22, Qaraǵandyda – eki, Almaty oblysynda 1 adam tirkeldi.
