Test nátıjelerin synaq tapsyrǵannan keıin 45 mınýt ishinde alýǵa bolady.
«Cepheid» kompanııasy taratqan aqparatqa sáıkes, kompanııa FDA-dan tótenshe synaqtardy júrgizýge ruqsat aldy, olar negizinen aýrýhanalar men jedel járdem bólmelerinde qoldanylady. Kompanııa kelesi aptada aýrýhanalarǵa tasymaldaýdy tekserýdi bastaıdy.
Buryn ázirlengen testileý tehnologııalary vırýsty tabýdyń mundaı jyldam ýaqytyna qol jetkizýge múmkindik bermedi. Qazirgi ýaqytta alynǵan synamalardyń barlyq úlgileri ortalyqtandyrylǵan zerthanaǵa jiberilip, nátıjesin kútý birneshe kúnge sozylýy múmkin
Kompanııa ókiliniń aıtýynsha, COVID-19 týdyratyn vırýsqa dıagnostıkalyq test búkil álemdegi medısınalyq zerthanalarda ornatylǵan 23000-nan astam «GeneXpert Cepheid» avtomattandyrylǵan júıeleriniń kez-kelgeninde jumys isteý úshin jasalǵan.
«Cepheid» kompanııasy prezıdenti Ýorren Kokmondtyń aıtýynsha, júıeler táýlik boıy jumys isteı alady. Zerthanashylarǵa testileý úshin arnaıy daıyndyqtan ótý qajet emes, óıtkeni tehnologııa óte qarapaıym.
Synaq jıyntyǵynyń quny áli belgisiz.
