Aımaqtar • 22 Naýryz, 2020

Bankter men MQU qashyqtan jumys isteýge kóshedi

49 ret kórsetildi

Ekinshi deńgeıli bankter men mıkroqarjy uıymdary koronavırýstyń taralýyna baılanysty óz klıentterine qyzmet kórsetý úshin qashyqtyqtan qyzmetterge kóshýde.

Qazaqstan Respýblıkasynyń Qarjy naryǵyn retteý jáne damytý agenttigi Qazaqstan Qarjygerleriniń qaýymdastyǵymen, ekinshi deńgeıli banktermen jáne mıkroqarjy uıymdarymen birlesip, koronavırýstyń taralýyna baılanysty qarjylyq jaǵdaıy nasharlaǵan turǵyndar men bıznesti jeńildetý sharalaryn ázirledi. Osy qıyn kezeńde barlyq bankter men qarjy uıymdary ózderiniń operasııalyq bólmelerine barmaı-aq, klıentterge qyzmet kórsetýdi qashyqtyqtan maksımaldy túrde jaqsartý úshin jumysyn qaıta qurýda.

Qazaqstandaǵy tótenshe jaǵdaı kezinde jeke tulǵalar úshin bankter men mıkroqarjy uıymdary banktik qaryz sharttary boıynsha tólemderdi ýaqtyly tólemegeni úshin aıyppuldar men ósimpuldardy óndirip almaıdy. 90 kúnnen astam merzimge keshiktirilgen jaǵdaıda, kepilsiz tutynýshylyq nesıeleri bar jeke klıentter, bankter jáne mıkroqarjy uıymdary paıyzdardy eseptemeıdi.

Sonymen birge, jeke tulǵalarǵa eshteńe jasaýdyń qajeti joq jáne bank bólimshelerine nemese mıkroqarjy uıymyna kelý qajet - bári ózdiginen jasalady. Aıyppuldar, ósimpuldar men alymdar eseptelmeıdi.

Koronavırýstyń taralýyna baılanysty qarjylyq jaǵdaıy nasharlaǵan jeke tulǵalarǵa zaemdar boıynsha tólemderdi keıinge qaldyrýdy qamtamasyz etý boıynsha qosymsha sharalar ázirlendi. Qaryzdar boıynsha tólemderdi keıinge qaldyrýdy qarjy ınstıtýttary jeke qarastyrady jáne usynady.

Koronavırýstyń taralýynan zardap shekken jeke kásipkerler men ShOB úshin nesıe boıynsha mindettemelerdi 90 kúnge deıin keshiktirý qarastyrylǵan. Sonymen qatar, tótenshe jaǵdaıdyń engizilýine baılanysty keshiktirilgen tólemder úshin aıyppuldar men ósimpuldar óndirilmeıdi. Kásipkerler men ShOB qarjy ınstıtýttarynyń ınternet-qyzmetteri arqyly ótinishter men rastaıtyn qujattardy usyna alady.

Esterińizge sala keteıik, qarjy uıymdarynda kóp adamnyń jınalýyn boldyrmaý úshin klıentterdiń onlaın jazbalary uıymdastyrylady, barlyq qyzmetterdi qashyqtyqtan, elektrondy poshta, bank-klıent júıesi, uıymnyń ınternet-resýrsy, mobıldi qosymsha jáne basqa baılanys quraldary arqyly alýǵa bolady.

Bankterdiń jumys ýaqyty týraly barlyq aqparat www.finreg.kz saıtynda kórsetilgen. Agenttik is-sharalardyń oryndalýyn únemi qadaǵalap otyrady jáne qarjylyq qyzmetterdi tutynýshylardyń quqyqtaryn qorǵaýdy qamtamasyz etedi.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar