Jambyl oblysynyń ákimi Berdibek Saparbaev 2014 jyly óz qyzmetin toqtatqan atalǵan joǵarǵy oqý ornynyń ǵımarattaryna bardy. Sodan beri materıaldyq-tehnıkalyq bazamen qamtylǵan, jalpy aýdany 18 myń sharshy metrden asatyn úsh korpýstyń jumysy toqtap tur. Menshik ıesi munda 1200 oryndyq mektep-gımnazııa men orta býyndaǵy medısınalyq qyzmetkerler daıyndaıtyn kolledj qurýǵa 700 mıllıon teńgeden astam qarajat salýdy josparlap otyr.
Oblys ákimi atalǵan jobalardy maquldap, óńirde joǵary sapaly bilim beretin jańa oqý oryndaryn qurýdyń mańyzdylyǵyn atap ótti.
Sondaı-aq, Berdibek Saparbaev buryńǵy «Taraz» qonaq úıiniń eski ǵımaratynda ornalasqan Taraz ınnovasııalyq-gýmanıtarlyq ýnıversıtetiniń «Stýdentter úıinde» boldy. О́tken jyly qonaq úı ǵımaraty jóndelip, 500 oryndyq stýdenttik jataqhana bolyp qaıta jabdyqtalǵan. Jataqhanada kovorkıng-ortalyq, májilis, elektrondy oqytý zaldary, beıne-stýdııa, kınozal jáne ashana, sonymen qatar basqa qalalardan kelgen stýdentterdiń jaıly ornalasyýyna arnalǵan basqa da bólmeler bar.
Budan soń aımaq basshysy Taraz qalasyn abattandyrý jáne jańa áleýmettik, ınnovasııalyq nysandardyń qurylysy boıynsha aldaǵy ýaqytta júzege asatyn baıandy jobalarmen tanysty.
Bul kúni Berdibek Saparbaev «Aısha-bıbi» shekaralyq beketinde bolyp, kedendik jáne shekaralyq qyzmetterdiń, sondaı-aq Qyrǵyzstannan kelgen azamattardy tekserýmen aınalysatyn medısına mamandarynyń qyzmetimen tanysty. О́tken táýlikte bul beket arqyly 124 adam ótse, onyń ishinde dene qyzý bar nemese 1a, 1b, 2 jáne 3 sanattaǵy elderden kelýshiler tirkelmegen.
Oblys ákimi qaýipsizdikti qamtamasyz etý jáne densaýlyqty saqtaý boıynsha qoıylyp otyrǵan mindetterdi sapaly júzege asyrýdyń mańyzdylyǵyn atap ótip, salalyq vedomstvolar men Jambyl aýdanynyń ákimdigine birqatar tapsyrmalar júktedi.
