Amerıkanyń aty ańyzǵa aınalǵan kásipqoı boksshysy Maık Taıson alkogoldi ishimdikti shamadan tys iship qoıǵandyqtan, óziniń ólim halinde jatqanyn moıyndady. Bul týraly ITAR-TASS habarlady.
«Keıde men nashar jigit bolyp ketemin. Osy ómirimde kóp jamandyq jasadym, endi sol keshirilse deımin. Qazir alkogoldi ishimdikti shamadan tys iship qoıǵandyqtan, ólim halinde jatyrmyn. Biraq ólgim kelmeıdi. Mine, alty kúnnen beri ishimdikti de, esirtkini de paıdalanbaı jatyrmyn. Alda ómirim bolsa, budan bylaı olardyń birde-birine jolaǵym kelmeıdi», - depti ol BAQ ókilderine.
Maık Taıson boksshylyq ómirinde 50 ret jeńiske jetse, sonyń 44-in nokaýtpen aıaqtaǵan. Sonymen birge, 6 márte jeńilistiń ashy dámin tatýǵa májbúr boldy. Ol 1986 jyly Trevor Berbıkti ekinshi raýndta-aq nokaýtqa jiberip, álemniń eń jas chempıony atandy. Osydan keıin Halyqaralyq boks federasııasy, Búkilálemdik boks keńesi jáne Búkilálemdik boks assosıasııasy versııalary boıynsha absolıýtti chempıondyqqa qol jetkizdi.
Janjalǵa bir taban jaqyn boksshy bul tabystarynan bólek, 1992, 1998 jáne 2008 jyldary úsh ret sotty boldy.
Rýslan Igilik.
