«Úkimet eksporttalatyn shetel valıýtasynyń bir bóligin ishki valıýta naryǵynda kvazımemlekettik sektor sýbektilerine satýǵa sheshim qabyldady» dep habarlady Ulttyq banktiń baspasóz qyzmeti.
Ulttyq bank osyǵan deıin qabyldanǵan sharalar valıýta baǵamyn turaqtandyrýǵa, valıýtany usynýdy qamtamasyz etýge, negizsiz qubylmalylyqtyń aldyn alýǵa baǵyttalǵanyn jáne olar negizgi trendtiń qalyptasýyna kedergi jasamaıtynyn eske saldy.
Buǵan deıin biz Prezıdent Qasym-Jomart Toqaev valıýta naryǵyndaǵy jaǵdaıdy turaqtandyrýdy tapsyrǵanyn jazǵanbyz. Bul tapsyrma kvazımemlekettik sektorǵa óziniń eksporttyq kirisiniń bir bóligin eldiń valıýta naryǵynda satýdy mindettedi.
