«Qazaqstan Reseıden benzın, dızel otyny men avıakerosınniń ımportyna úsh aılyq tyıym salýdy josparlap otyr, tıisti joba qazir memlekettik organdarda maquldanýda» dep habarlady búgin Energetıka mınıstrliginiń baspasóz qyzmeti.
«Álemniń kóptegen bóligine taralǵan koronavırýstyń órshýi energııa shyǵynyn edáýir tómendetýge ákeldi» dep atap ótti Energetıka mınıstrligi.
Baspasóz qyzmetiniń aqparatyna sáıkes, Qazaqstanǵa jetkiziletin reseılik munaı ónimderiniń kólemi Qazaqstannyń munaı óńdeý zaýyttarynyń turaqty jumysyna aıtarlyqtaı áser etýi múmkin. Nátıjesinde, munaıdy qaıta óńdeýdiń tómendeýi jáne munaı ónimderiniń basqa túrleriniń jetispeýshiligine ákeledi.
«Tótenshe jaǵdaıdyń engizilýine baılanysty ekonomıkanyń barlyq salasynda munaı ónimderin tutynýdyń tómendeýi baıqala bastady. Sondaı-aq qazaqstandyq munaı óńdeý zaýytynyń jabylýǵa jol bermeý úshin mınıstrlik «Qazaqstan Respýblıkasyna munaı ónimderin jetkizýdiń keıbir máseleleri týraly» buıryq jobasyn ázirledi, onyń aıasynda ishki naryqqa benzın, dızel otyny men avıasııalyq otyn ákelýge ýaqytsha tyıym salyndy. Bul sheshim Qazaqstan Respýblıkasynyń ishki naryǵyn qorǵaý úshin qabyldandy », dep atap ótti Energetıka mınıstrligi.
Bul sheshim qazaqstandyq munaı óńdeý zaýyttarynyń qaıta óńdeý qýattylyǵynyń tómendeýine jol bermeıdi. MО́Z-degi jumys oryndarynyń qysqarýynyń aldyn alady.
Karantın jaǵdaıynda munaı ónimderin tutyný edáýir tómendedi jáne Qazaqstan ózin qajetti janarmaımen qamtamasyz ete alady.
«Bul shara munaı ónimderiniń baǵasyna eshqandaı áser etpeıdi» dep sendirdi Energetıka mınıstrligi.
