- Ulttyq banktiń COVID-19 vırýsynyń taralý yqtımaldyǵy týraly túsinik berýge quzireti joq. COVID-19 vırýsyn juqtyrǵan banknottardyń aınalymǵa ený yqtımaldyǵy tym joǵary emes. Biraq banknottardy kolleksııadan keıingi saqtaý merzimi uzaq. Ulttyq banktiń ishki erejelerine sáıkes ekinshi deńgeıdegi bankterden alynǵan qolma-qol aqshany qaıta esepteý bastalǵanǵa deıin 45 kún ishinde jáne qaıta eseptegennen keıin 1 jyl ishinde saqtaıdy, - deıdi Jomart Qajymuratov.
Sonymen qatar, Ulttyq bank ókiliniń paıymdaýynsha, Dúnıejúzilik densaýlyq saqtaý uıymynyń málimeti boıynsha, qazirgi ýaqytta «vırýstyń taza aýadaǵy nemese zattar arqyly aýysý turaqtylyǵy týraly» aqparat joq. Koronavırýstyń qorshaǵan ortadaǵy turaqtylyǵy birqatar faktorlarǵa, sonyń ishinde temperatýra men ylǵaldylyqqa, sondaı-aq tazalyqqa baılanysty.
Qolma-qol aqshamen jumys isteıtin kassırlerge qoldy jıi jýýǵa keńes beremiz. Bul tek olar úshin ǵana emes, barlyq adam úshin mańyzdy. DDSU jáne Qazaqstan Respýblıkasy Densaýlyq saqtaý mınıstrligi usynǵan sharalardy saqtaý qajet.
- Vırýs taratýdyń eń osal tólem ádisi - onlaın rejıminde qolma-qol aqshasyz tólem túrlerin qoldanýdy usynamyz. Bul baılanys quraly retinde koronavırýstyń taralýyn shekteıdi, - dep sózin túıindedi Ulttyq bank ókili.
