Akademııalyq kitaphana tynysy

Rýhanııat • 26 Naýryz, 2020

Akademııalyq kitaphana tynysy

Búginde elordanyń Ulttyq akademııalyq kitaphanasy shartarapty sharlaǵan koronavırýsqa baılanysty qashyqtyq rejimde oqyrmandarǵa onlaın qyzmet kórsetýde. Iаǵnı, qazaqstandyq Ulttyq elektrondy kitaphanasy kúndelikti 24/7 rejiminde jumys istep tur.

Marjan ÁBISh

Qazirgi tańda Ulttyq elektrondy kitaphana qyzmetin álemniń 60-tan astam elinen oqyrmandar qoldanýda. Olardyń qatarynda Qazaqstan, Reseı, Qytaı, Túrkııa, AQSh elderi bar. Sondaı-aq, portaldy TMD, Fınlıandııa, Germanııa, Bolgarııa, Rýmynııa, Japonııa, Ońtústik Koreıa jáne t.b. memleketterdiń azamattary paıdalanyp otyr.

Osy oraıda jýyrda ǵana qazaqstandyq Ulttyq elektrondy kitaphana «Qazaqstannyń ulttyq jáne mádenı murasynyń resýrsy retinde» atty vebınar ótkizdi. Odan bólek online kitaphana jobasy iske qosyldy. Bul joba Qazaqstannyń barlyq kitaphanashylary men el azamattaryna arnalady. Sondaı-aq qazirgi zamanǵy jańa tehnologııalar boıynsha ártúrli taqyryptaǵy kúndelikti dárister ótkiziledi dep josparlanýda.

Paıdalanýshylar úshin bilimniń barlyq salalary boıynsha qazaqstandyq basylymdarǵa qoljetimdilik berilipti: sırek kitaptar men qoljazbalarǵa, maqalalarǵa, gazetter men jýrnaldarǵa, kórkem ádebıetke, memleket jáne quqyq, óner jáne t.b. Sonymen qatar, paıdalanýshylar avtoreferattar men dıssertasııalarǵa, ýnıversıtetter men ǵylymı-zertteý ınstıtýttarynyń ǵylymı basylymdarǵa, sondaı-aq kitaphana jazylǵan IPR Books jáne Euromonitor Passport tolyq mátindi derekter qoryna qol jetkizý múmkindigine ıe boldy.

YouTube arnasynda jáne áleýmettik jelilerde Qazaqstannyń eńbek sińirgen qaıratkeri, Prezıdenttik syılyqtyń laýreaty, jýrnalıst Kópen Ámirbektiń «Abaı ─ satırık» taqyrybynda dárisi, fılologııa ǵylymdarynyń doktory, professor Sh.Ibraev, prozashy, aqyn B.Álimjanovpen, qoǵam qaıratkeri, QHA múshesi K.A.Hanmen suhbattar qoıylǵan.

Kitaphananyń onlaın qyzmeti boıynsha bolashaqta kóptegen jumystar atqarylmaq. Atap aıtsaq, qazaqstandyq jýrnaldardyń saıttary, onyń ishinde ǵylymı basylymdarǵa sholý jasaý, kitaphananyń ataýly oqý zaldarynyń ulttyq qory týraly aqparattyq saǵat, jańa termınologııalyq sózdikter men «XXI ǵasyrdaǵy Qazaqstan jáne álem» onlaın-sholýlar, jańa kitaptar, ádebı keshter, «Qazaqstan jazýynyń jáne kitaptarynyń tarıhy» vıdeoleksııalar, balalarǵa arnalǵan onlaın-poezııa jáne sýretter saıysy, balalar ádebıeti men ertegi terapııa onlaın dárister, «Abaı – satırık», aqyn-jazýshylarmen, abaıtanýshylarmen onlaın kezdesýler, sırek kitaptar men qundy qoljazbalar onlaın leksııasy, aqparattyq tehnologııalar jónindegi vebınar, Ábý Nasyr ál Farabıdyń 1150 jyldyǵyna oraı onlaın konferensııa men onlaın leksııalar ótkizilmek.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz