Qazaqstan • 26 Naýryz, 2020

Onlaın dárister jalǵasýda

320 ret

kórsetildi

1 mın

oqý úshin

Shartarapty sharlaǵan koronavırýstyń kúnnen-kúnge órshýine baılanysty el Prezıdenti Qasym-Jomart Kemeluly saqtyq sharalaryn kúsheıtýdi jáne tyǵyryqtan shyǵýǵa arnalǵan keshendi jumystardy tapsyrdy. Osy oraıda Mədenıet jəne sport mınıstrligi óner men sporttyń barshaǵa qoljetimdiligin qamtamasyz etý maqsatynda onlaın nusqaǵa kóshýine baılanysty óz tarapynan birneshe jobany qolǵa alyp otyr.

Marjan ÁBISh

Mádenıet jáne sport mınıstrligine qarasty Qurmanǵazy atyndaǵy Qazaq ulttyq konservatorııasynyń basshylyǵy osy jobalar aıasynda qyzmetkerlerdiń qashyqtyqtan jumys isteýine, jalpy ónersúıer qaýymnyń onlaın sheberlik-dáristerin alýyna múmkindikter jasap otyr.

Ár azamattyń úıde otyryp, bilimi men tanymyn arttyrýy úshin jasalyp jatqan sharalardyń biri #óneronline heshtegimen iske qosyldy. 25 naýryzda osy joba aıasynda Qurmanǵazy atyndaǵy Qazaq ulttyq konservatorııasynyń aǵa oqytýshysy Maqsat Medeýbektiń «Qobyz – Qorqyttan qalǵan ańyz» atty leksııa-konserti ótti.

Odan keıingi Baýyrjan Bekmuhanbettiń qatysýymen 26 naýryzda ótken sheberlik-dáris «Jetisýdyń ońtústik shyǵysyndaǵy kúıshilik dástúri» taqyrybyna arnaldy. Aıta keteıik, #óneronline heshtegimen ótetin dáristerdi Mádenıet jáne sport mınıstrligi jáne Qurmanǵazy atyndaǵy Qazaq ulttyq konservatorııasynyń áleýmettik jelidegi jeke paraqshalarynan tamashalaýǵa bolady.