MEGA jelisine Almatydaǵy eki saýda ortalyǵy kiredi, MEGA Alma-Ata jáne MEGA Park, jáne bireýi Nur Sultan, MEGA Silk Way. MEGA saýda ortalyǵy jelisiniń jalpy aýdany 425 852 sharshy metrdi quraıdy.
- Biz saýda ortalyǵynyń toqtap turǵan kezeńine paıdalaný jáne kommýnaldyq shyǵyndar úshin tólem jasamaımyz. Mega Management bul shyǵyndardy óz moınyna alady. Biz áleýmettik jaýapty kompanııa retinde osyndaı sheshim qabyldadyq jáne bul bastama erikti bolyp tabylady. Qalasańyz, bul bizdiń azamattyq ustanymymyz. Biz jaǵdaıdyń aýyrlyǵyn sezinemiz, qazaq bıznesine tónip turǵan qaýip bizdi de aınalyp ótken joq. Sondyqtan seriktesterimizdi qoldaǵymyz keledi, - dedi Nurlan Smaǵulov.
Qazirgi ýaqytta saýda ortalyǵynda tek sýpermarketter, dárihanalar men bank bólimsheleri jumys isteıdi.
Buǵan deıin N. Smaǵulov Almatydaǵy MEGA men Nur-Sultan jumyssyzdyq aıynan joǵaltatyn boljamdy soma 1,5 mıllıard teńgeni quraıtynyn aıtqan edi.
Jalpy alǵanda, Mega Alma-Ata, Mega Park jáne Mega Silk Way shamamen 650 jalǵa alýshymen kelisimshartqa otyrdy.
Buǵan deıin habarlaǵanymyzdaı, Almaty men Nur-Sultan qalalarynda tótenshe jaǵdaıdyń engizilýine baılanysty MEGA saýda-oıyn-saýyq ortalyqtarynyń jelisin jabýǵa májbúr boldy.
Eske salaıyq, 15 naýryz, jeksenbi kúni memleket basshysy Qasym-Jomart Toqaev tótenshe jaǵdaı engizý týraly jarlyq shyǵardy.
