Jalǵyzilikti qarııalarǵa, UOS jáne tyl ardagerlerine, basqa da kómekke muqtaj jandarǵa kúndelikti qajet azyq-túlik, qaýipti indetten qorǵaný quraldaryn taratyp júrgen eriktilerdiń bastamasyn Oral qalasyndaǵy kásipkerler, etnomádenı birlestik ókilderi barynsha qoldap jatyr. Ásirese «Beles-Agro», Jelaev un kombınaty syndy iri kásiporyndar, «Sýrovskıı» dúkeni astyq pen makaron ónimderin, ósimdik maıyn tegin bergen. Armıan etnomádenı ortalyǵy 100 keli un men 50 keli makaron ónimderin usynsa, tatar ulttyq qoǵamy un ónimderimen bólisken. Sheshen-ıngýsh mádenı uıymy onkologııalyq syrqattarǵa 800 dana betperde men 10 lıtr antıseptık taratty.
«Qaıyrymdylyq kerýeni» tótenshe jaǵdaı ýaqyty aıaqtalǵansha jumys isteıtin bolady. Qozǵalystyń 21 adamnan turatyn shtaby qurylǵan. Eriktiler demeýshiler kómegimen daıyndalǵan «áleýmettik paketterdi» óz kólikterimen muqtaj jandarǵa taratady. Naýryzdyń 24-i kúni 42 adam osyndaı qaıyrymdylyq járdemine ıe boldy.
Oraldyq eriktilerdiń uıymshyldyǵy men bastamashyldyǵyna rıza bolǵan Batys Qazaqstan oblystyq polısııa departamenti basshylyǵy olarmen arnaıy kezdesip, tótenshe jaǵdaı rejımin saqtaý boıynsha reıdterge qatysýdy suraǵan eken. Qazir eriktiler bul sharaǵa da belsene kirisip ketti.
Sýretti túsirgen Rafhat HALELOV
Batys Qazaqstan
