Resmı ókil áleýmettik jelidegi paraqshasynda «Qazir bizdiń dıplomattarymyz aldyńǵy shepte jumys istep – onlaın, oflaın júıesinde densaýlyǵyna qater tóndire otyryp jumys istep jatyr. Sebebi olardyń basym kópshiligine adamdardyń kóp shoǵyrlanǵan jerine barýǵa týra keledi. Karantınge jabylǵan qalalarǵa baryp, otandastaryn áýe-jaıǵa deıin shyǵaryp salady. Dostar, elge oralý týraly sheshimderińizdi asyqpaı, salmaqpen qabyldaýlaryńyzdy ótinemiz. Biz, dıplomattar, sizderdiń qaýipsizdikterińiz úshin búkil múmkindikterińizdi qoldana otyryp, saqtaýǵa múddelimiz. Jáne problemalardy da búkil múmkintikterimizdi qoldana otyryp, sheshýgi múddelimiz. Al áriptesterime tózimdilik pen sergektik tileımin. О́zderińizdi saqtańyzdar» degen jazba qaldyrdy.
Resmı ókildiń aıtýynsha, 27 aqpannan 23 naýryzǵa deıin 435 myń qazaqstandyq elden ketken.
«Bul sıfrge nazar aýdarmasaq bolmaıdy. 27 aqpanda SIM azamattarǵa málimdeme jasap, birinshi sanattaǵy elderge barýdan bas tartýǵa jáne múmkindiginshe ekinshi sanattaǵy elderge saparlardy keıinge qaldyrýǵa shaqyrdy. Sol málimdemede biz jumys isteıtin uıymdardyń bizge jibergen málimetteri men usynystaryna súıenip, málimdeme jasadyq» dedi Aıbek Smadııarov.
Syrtqy ister mınıstrligi el basshylyǵynyń nusqaýyna sáıkes, joǵary epıdemıologııalyq qaýpi bar elderdegi jaǵdaıdyń damýyn baqylap, taldaı bastady. Osynyń negizinde koronavırýstyń taralýyn tejeý boıynsha memleketterdiń áreket etý sharalary da nazarǵa alyndy.
Bizdiń otandastarymyz qaı elderge ketti?
Kóbisi jyly elderge demalysqa barǵan.
Máselen, Mysyrǵa 5616 adam, BAÁ-de 6778, Túrkııaǵa 8327, Taılandqa 1342 adam saıahattasa, 487 otandasymyz demalý úshin Maldıvke ushqan. Bul tizimge Meksıka, Domınıkan Respýblıkasy, Býrkına-Faso, Brazılııa sııaqty ekzotıkalyq elder de engen.
«Ol kezde bizdiń ulttyq avıakompanııa kóptegen elderge reısterdi belsendi túrde qysqartýdy bastady. Bul bizdiń azamattarymyzdy toqtata almady. Demalystarǵa suranystyń tómendeýine baılanysty olardyń baǵasy tez quldyra bastady. Osylaısha, Reseı arqyly 174,378 azamat Reseı arqyly, 118.1999 Qyrǵyzstan arqyly jáne 109125 О́zbekstan arqyly ushyp ótti. Sodan keıin bul tranzıttik jolaýshylar Eýropa elderine jáne kýrorttyq aımaqtarǵa ushty. Bul azamattardyń kópshiligi elge oraldy.
«Ras, bul keıbireýler úshin ońaı bolǵan joq. Sońǵy eki apta ishinde bizdiń dıplomattar búkil álem boıynsha táýlik boıy jumys istedi, birneshe myń habarlardy taldaýdan ótkizdi. Bizdiń sheteldegi elshilikterimizdiń jedel shtaby jergilikti bılikpen birlesip jumys jasady», dedi Aıbek Smadııarov.
SIM málimetinshe, bizdiń azamattarymyzdyń kópshiligi áli de Eýropa men Amerıka Qurama Shtattarynda, biraq olardyń kópshiligi sol jerde óz erikterimen qaldy.
«Olar óz densaýlyǵyna jáne týysqandarynyń densaýlyǵyna qaýip tóndirgisi kelmeıdi. Bul qazir eń aqylǵa qonymdy sheshim. Bul qazirgi kezdegi bılik organdarynyń erejeleri men talaptaryn oryndaý úshin qajet. DDU - oqshaýlaý jáne karantındi qatań saqtaýdy eskertip jatyr. Bul vırýstyń taralýyn tejeıdi. Mysaly, qazir bir qazaqstandyq otbasy Kambodjada, al basqa erli-zaıyptylar Fılıppın araldarynyń birinde, Mavrıkıı, Kenııa, Kýba araldarynda júr. 3-4 adam bolǵandyqtan, arnaıy ushaq jiberip, elge aldyrý qıyn. Biraq biz olar elge oralý úshin kómektesemiz. Úkimet halyqaralyq tájirıbeni qoldanýǵa sheshim qabyldady. Biz Eır Astana jáne SCAT kompanııasymen belgili bir elge repatrıasııalyq reısterdi uıymdastyrý týraly kelisimge qol jetkizdik», dedi Aıbek Smadııarov.
