«Memlekettik áleýmettik saqtandyrý qory (TMKKK) eńbekaqy tóleýsiz májbúrli demalysqa ketýine baılanysty jumysynan aırylǵan azamattarǵa jańa áleýmettik tólemderdiń alǵashqy tólemderin jasady», dep habarlady Eńbek jáne halyqty áleýmettik qorǵaý mınıstrligi.
Esterińizge sala keteıik, jańa tólem tótenshe jaǵdaıǵa baılanysty demalysqa jiberilgen (jumystan bosatylǵan) qyzmetkerlerge beriledi.
«Tólemdi alý úshin qyzmetkerler tótenshe jaǵdaı bastalǵanǵa deıin sońǵy 12 aıdyń ishinde Memlekettik áleýmettik saqtandyrý qoryna keminde úsh aı boıy jarna aýdarýy kerek. Áleýmettik tólem orta, shaǵyn jáne mıkro bıznes jumysshylaryna, jeke tulǵalarǵa tólenedi» dep kórsetilgen.
Jumys berýshilerge jańa áleýmettik tólem taǵaıyndaý úshin jergilikti jumyspen qamtý agenttigine «Elektrondyq úkimet» veb-portalyndaǵy «Elektrondyq úndeý» qyzmeti arqyly tótenshe jaǵdaı kezindegi kiristerinen aırylǵanyn rastaıtyn qujattardyń kóshirmesi kerek.
Áleýmettik tólem qyzmetkerge eńbek demalysy kezinde, biraq tótenshe jaǵdaıdyń uzaqtyǵynan aspaıtyn merzimde tólenedi.
Buǵan deıin prezıdent Qasym-Jomart Toqaev tótenshe jaǵdaı saldarynan tabystarynan aırylǵan qazaqstandyqtarǵa aı saıyn 42,5 myń teńge tóleýge mindettedi.
Sonymen qatar, 30 naýryzdan bastap Nur-Sultan men Almatyda kásiporyn men uıymnyń qyzmeti toqtatylady.
Eske salaıyq, Almaty men Nur Sultanǵa 2020 jyldyń 19 naýryzynan bastap karantın engizildi. Qalalarǵa kirýge jáne shyǵýǵa shekteýler qoıyldy, sanıtarlyq jaǵdaı nyǵaıtyldy. Keıin QR Prezıdenti janyndaǵy tótenshe jaǵdaıdy qamtamasyz etý jónindegi memlekettik komıssııa Nur-Sultan jáne Almaty qalalarynda karantın rejımin kúsheıtý týraly sheshim qabyldady.
