«Koronavırýspen baılanysty daǵdarys kezinde BUU shtab-páterde jáne álemniń túkpir-túkpirinde jumysyn jalǵastyrýda», dep málimdedi álemdik uıymnyń basshylyǵy BUU-ǵa múshe memleketterge arnalǵan brıfıngte.
Bas hatshy Antonıý Gýterrısh BUU-nyń qıyn jáne qaýipti aımaqtarda jumys isteıtin batyl jáne eńbekqor ujymyna alǵys aıtty.
Barlyq elder men halyqaralyq uıymdar sııaqty, koronavırýstyń taralýyna baılanysty BUU óz qyzmetkerlerin qorǵaý úshin birqatar batyl qadamdar jasady.
Mysaly, aptanyń sońǵy jumys kúninde, 27 naýryzda Nıý-Iorktegi BUU Hatshylyǵynyń ǵımaratyna bar bolǵany 140 adam bardy, al naýryzdyń basynda, ıaǵnı shekteýler qoıylmaı turyp bul san 11 myńǵa jetti.
BUU-nyń Jenevadaǵy bólimshesinde 4 myń adamnyń kúndelikti aǵymynyń ornyna tek 70 adam tirkelgen, al Vena fılıalynda qyzmetkerlerdiń 97 paıyzy qashyqtaǵy jumysqa aýystyrylǵan.
Bul týraly BUU ókili Stefan Dýjarrık onlaın rejımde ótkizgen kúndelikti brıfınginde málimdedi. «Biz bárimiz jańa tehnologııalardy qoldana otyryp, jumystyń jańa tásilderin úırenemiz. Biz qazirgi jaǵdaıda BUU qyzmeti týraly aqparat berý tásilderin jetildirgimiz keledi» deıdi ol qazaqstandyq jýrnalıstpen kezdesken kezde.
