- El aýmaǵynda koronavırýstyń órshýine baılanysty Oral qalasy Tótenshe jaǵdaılar basqarmasynyń qyzmetkerleri, sondaı-aq Batys Qazaqstan oblystyq Tótenshe jaǵdaılar departamentiniń «О́rt sóndirý jáne avarııalyq-qorǵanys jedel qutqarý» jasaǵy oblys ortalyǵynyń halyq kóp júretin dańǵylynda ınfeksııa taralmaýy úshin osyndaı shara ótkizdik, - deıdi Oral qalalyq Tótenshe jaǵdaılar basqarmasynyń bas mamany A. Qadyrov.
Mamandardyń aıtýynsha, koronavırýs aýada 3 saǵatqa jýyq ómir súrýge qabiletti. Al kósheler men qoǵamdyq oryndarda, túrli zattardyń betinde qaýipti indettiń vırýsy 48 saǵat turyp, janasqan adamǵa aýa-tamshy arqyly juǵýy múmkin eken. Sondyqtan kósheler men qoǵamdyq oryndardy dezınfeksııalaý – koronavırýske qarsy kúrestiń mańyzdy bóligi.
Aıta keteıik, bul jumystarǵa tótenshelikterdiń jeke quramynan 30 adam jáne 5 birlik tehnıka tartylǵan.
Dál qazir Oral qalasyndaǵy temir jol vokzalyna qarama-qarsy Chapaev alańy men Tuńǵysh Prezıdent alańynda dezınfeksııalaý jumystary júrgizilip jatyr.
Batys Qazaqstan
