Oblystyq densaýlyq saqtaý basqarmasynyń basshysy Jaqsylyq Ábdisámetovtiń aıtýynsha vırýs juqtyrǵan qala turǵyny oblys ortalyǵyndaǵy «Senim» emhanasynyń medbıkesi. Ol osy indetke shaldyqqany keshe anyqtalǵan 65 jastaǵy turǵynǵa em jasaǵan bolyp shyqty.
– Qazir 23 jastaǵy naýqastyń jaǵdaıy birqalypty. Eshqandaı aýyrsyný belgileri joq. Áriptesimizdiń aman-esen jazylyp, qatarǵa qosylýyna bar kúshimizdi salamyz, – deıdi oblystyq densaýlyq saqtaý basqarmasynyń basshysy.
Al oblystyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Álııa Ábdiqaıymova oblys boıynsha alǵash ret osyndaı dıagnozben aýrýhanaǵa keshe túsken áıeldiń jaǵdaıy jaqsara túskenin aıtyp ótti. Onymen qarym-qatynasta bolǵan 69 adam anyqtalyp, tıisti tekserýden ótken. Olardyń arasynan osy emhana medbıkesiniń boıyna vırýs juqtyryp alǵany belgili bolyp otyr. Eki naýqas ta qalanyń bir aýdanynan, qazir ol aýmaq mamandardyń baqylaýyna alynǵan.
