Onyń sózine qaraǵanda, is-shara balalardyń bos ýaqytyn durys uıymdastyryp, óskeleń urpaqqa rýhanı tárbıe berýdi kózdeıdi. - Maqsatymyz - otbasy músheleriniń barlyǵyn ertegi oqýǵa baýlý, otaǵalaryna basty ról berý arqyly otbasylyq qundylyqtardy nasıhattaý, - deıdi Aıgúl Júsipova.
- Ertegi oqyp shyqqan otbasy shaǵyn beınerolık túsirip, ony messendjerlerdegi topqa ornalastyrýy shart. Toptyń ózge músheleri rolıkti tamashalap, baǵa beredi. Tárbıeshiniń aıtýynsha, osy arqyly balalar men otbasylar arasyndaǵy báseke sezimi paıda bolatyny paıdaly. Oǵan qosa munda rýhanı tárbıe tóńiregindegi birqatar máseleler ózdigimen sheshiledi. - Bastamamyz balalardyń májbúrli túrde mádenı-oıyn saýyq is-sharalarynan aıyrylǵan kezinde mańyzdy. Koronavırýs pandemııasyna baılanysty qazir balalardyń demalysyn utymdy uıymdastyrý, otbasylyq tárbıeni qolǵa alýdyń naǵyz kezi, - deıdi Aıgúl Júsipova.
Aıta keteıik, Ertis aýdanynyń pedagogtary oılap tapqan aksııasy kórshiles Reseı balalar baqshalary tárbıeshilerin qyzyqtyrǵan. Osyǵan oraı, jerlesterimiz soltústik kórshilerge arnap arnaıy semınar ótkizip úlgergen.
