Nur-Sultan qalasynyń prokýratýrasynda málimdegendeı, koronovırýstyq ınfeksııanyń taralýynyń aldyn alý maqsatynda prokýrorlar, polıseıler, ákimdik jáne taýarlar men kórsetiletin qyzmetterdiń sapasy men qaýipsizdigin baqylaý departamenti kyzmetkerlerinen turatyn mobıldyq top kásipkerlik sýbektileri arasynda karantın talaptary men tótenshe jaǵdaı rejımin saqtaý maqsatynda aqparattyq-túsindirý jumystaryn júrgizýde.
«29 naýryzdaǵy jaǵdaıǵa sáıkes, 250-den astam shaǵyn jáne orta bıznes sýbektileri (kóp páterli úılerde ornalasqan dúkender, aýla dúkenderi, shaǵyn marketter, sýpermarketter) túsindirý sharalarymen qamtyldy. Jeke menshik ıeleri men jalǵa alýshylar aralaý barysynda «Tótenshe jaǵdaı týraly» zań, Bas memlekettik sanıtarlyq dárigerdiń qaýlylary jáne qalalyq shuǵyl shtab sheshiminiń talaptary túsindirildi. Atap aıtqanda, koronovırýstyq ınfeksııanyń taralýyna jol bermeýge baǵyttalǵan is-sharalar aıasynda jumys kestesin jáne tártibin belgileý, sanıtarlyq jáne dezınfeksııalyq sharalar talaptaryn saqtaý qajettigi aıtyldy», – dep habarlady qalalyq prokýratýradan.
