Aýrý juqtyrǵan áıeldiń biri Oral qalasynda turady, 47 jasta, 28 naýryz kúni Atyraý qalasynan kelgen. Al aqsaılyq 53 jastaǵy áıel 24 naýryz kúni Reseıdiń Saratov qalasynan kelgen eken.
- Infeksııa juqtyrǵan eki adam da aýrýdy syrttan alyp kelgen. 24 naýryzda Reseıden kelgen áıeldi sol kúni-aq oqshaýlap, baqylaýǵa alǵan bolatynbyz. Qazir eki naýqastyń da jaǵdaıy jaqsy, aýrýhanaǵa jatqyzyldy. Olarmen qarym-qatynasta bolǵan adamdardy da anyqtap, provızorlyq gospıtalǵa oqshaýladyq. Epıdemıologtar naýqastardyń úıine dezınfeksııalyq sharalaryn jasady, - dedi Muhamǵalı Aryspaev.
Osy oqıǵadan keıin Batys Qazaqstan oblysynyń ákimi Ǵalı Esqalıev áleýmettik jeli arqyly oblys turǵyndaryn tynyshtandyryp, ınfeksııa jáne ekonomıkalyq taqyrypta týyndaǵan kez kelgen máselege baılanysty saýaldarǵa jaýap beretinin aıtty.
Dál qazir Batys Qazaqstan oblysynda provızorlyq stasıonarda 65 adam baqylaýda.
Batys Qazaqstan
