- Osynaý aýyr kezende temirjolshylar kúshteri men qarjylaryn jedel jumyldyra bildi. Endigi eń bastysy, vokzaldar men ózge de temirjol nysandaryndaǵy jaǵdaıdy únemi baqylaýdy ustaý jáne qarqynyń baıaýlatpaý, - dedi «QTJ» UK» AQ Infraqurylym jónindegi basqarýshy dırektory Baýyrjan Orynbasarov.
Magıstraldyq jeli bólimsheleri úshin 1000 dozator jetkizildi. Temirjol vokzaldary ákimdikter nemese SES qamtamasyz etken teplovızorlarmen jabdyqtalǵan.
Teplovızorlar Almaty, Aqtóbe, Oral, Atyraý, Mańǵystaý, Qyzylorda, Túrkistan, Qaraǵandy, Qostanaı sııaqty oblys ortalyqtary men respýblıkalyq mańyzy bar qalalar vokzaldarynda, sondaı-aq Túlkibas, Mankent, Jaryq, Beıneý vokzaldarynda bar.
Vokzaldarda temperatýra ólsheý medısına mamandarymen jáne SES qyzmetkerlerimen júrgiziledi.
Barlyq vokzaldarda SanPın normalaryna sáıkes tazartýlar kúnine 4-retten jáne de adamdardyń jıi shoǵyrlanatyn jerlerinde (kútý zaldarynda, kassa zaldarynda) dezınfeksııalyq zattardy paıdalana otyryp, saǵat saıyn júrgiziledi. Budan basqa, elimizdiń barlyq oblys ortalyqtarynda SES kúshterimen vokzal ǵımarattaryn tolyq dezınfeksııalaý júrgiziledi.
