Veb-saıttyń ««Iskýsstvo onlaın» bóliminen Andreı Mogýchıı, Kırıll Serebrennıkov, Deklan Donnellan, Denıs Bokýradze, Iohan Kobborg syndy teatr maıtalmandarynyń qatysýymen júlde alǵan spektaklderdi tańdaı alasyz.
Jınaqty úsh aı boıy tegin kórýge bolady. Art Online bóliminde qoıylymdardan basqa, konsertter men vırtýaldy týrlar toptamasy bar.
«Altyn maska» - 1994 jyly RF teatr qaıratkerleri odaǵy belgilegen joba. Ol teatr óneriniń drama, opera, balet, qazirgi zamanǵy bı, operetta, mıýzıkl, qýyrshaq teatry sekildi janrlary boıynsha qoıylatyn spektaklderdiń úzdikterine júldeler berip otyrady. О́ner merekesi jyl saıyn aqpan aıynda bastalyp, sáýirdiń ortasy aýa óziniń máresine jetedi. Osy ýaqyttyń bárinde eldiń túkpir-túkpirindegi ártúrli teatrlar ózderiniń meılinshe tabysty dep eseptelgen qoıylymdaryn kezekpen Máskeýge ákelip qoıady. Osylardyń arasynan «Altyn maska» júldesin birneshe nomınasııa boıynsha alýǵa úmitti qoıylymdar iriktelip shyǵarylyp, sońǵy talqylaýǵa usynylady. «Altyn maska» - Reseıdiń teatr óneri salasyndaǵy bedeldi de qomaqty marapaty ǵana emes, ol sonymen qatar teatr úshin asa mańyzdy strategııalyq keshendi mindetterdi sheshýge qyzmet atqaratyn naǵyz mádenıet ınstıtýty.
