Balabaqshalardaǵy ákimshilik jumyskerler sanıtarlyq-epıdemıologııalyq jáne profılaktıkalyq sharalardy kúsheıtýi kerek.
Odan basqa:
- Balalaryn balabaqshaǵa, damytýshy mektepter men basqa úıirmelerge aparmaý múmkindigi bar ata-analarǵa olardy úıde qaldyrýǵa keńes beriledi.
- Almaty jáne Nur-Sultan qalalarynda karantın kezeńinde barlyq memlekettik mektepke deıingi uıymdar jabylady, alaıda balalardyń oryndary bekitiledi jáne saqtalady.
- 5 sáýirge deıin balalardyń kez kelgen sporttyq, týrıstik jáne mádenı is-sharalarǵa barýyna tyıym salynady.
Pandemııanyń taralýyn azaıtý úshin birqatar qaǵıdalardy saqtaý qajet: Mektepke deıingi uıymdardyń ákimshilik jumyskerleri oqýshylardyń ata-analarymen jáne jumyskerlermen jeke jáne qoǵamdyq tazalyq qaǵıdalary týraly áńgime júrgizýi kerek, atap aıtqanda – qoldy únemi jýý jáne arnaıy antıseptıktermen tazartý qajettiligi týraly; Úı ishinde, tipti karantın kezinde de dezınfeksııalyq quraldardy qoldana otyryp, muqııat tazalaýdy júrgizý kerek; Aýa tartqyshty jeldetý shahtasyn tazalaý (lastanýyna qaraı); Tazalaǵysh quraldardy jýǵysh jáne dezınfeksııalyq zattardy qoldanyp shaıý, qurǵatý jáne taza kúıinde saqtaý.
