Úzdikter tizimin dańqy jer jarǵan Maıkl Djordan (boıy – 198 sm., salmaǵy – 98 kılo) jeke-dara kósh bastap tur. 1984-2003 jyldar aralyǵynda «Chıkago Býllz» ben «Vashıngton
Ýızards» klýbynda óner kórsetken aıtýly basketbolshynyń baǵyndyrmaǵan belesi joq. Teńdessiz ónerine tamsanǵan jankúıerler ony «Ushqyn Djordan» dep ataıtyn.
Ekinshi orynda – Djeıms Lebron (boıy – 203 sm., salmaǵy – 114 kılo). 10 jyl «Klıvlend Kavalers» jáne tórt jyl «Maıamı Hıtste» oınaǵan «Akronnyń balǵasy» bul tańda «Los-Andjeles Leıkerstiń» sapynda jasyndaı jarqyrap júr.
Úshinshi oryndy Hákim Oladjıývon (boıy – 213 sm., salmaǵy – 116 kılo) ıelenýde. Nıgerııada týyp-ósip, keıinnen AQSh azamattyǵyn alǵan ol 1984-2002 jyldar aralyǵynda «Hıýston Roketstiń» shoq juldyzy boldy.
Tórtinshi satyǵa Larrı Berd (boıy – 206 sm., salmaǵy – 100 kılo) jaıǵasty. 1979-1992 jyldary «Boston Seltıkstiń» betkeustary bolǵan aq násildi azamat óziniń myqtylyǵyn túbegeıli moıyndatty.
Besinshi oryn Tım Dankanǵa (boıy – 211 sm., salmaǵy – 113 kılo) buıyrdy. 19 jyl boıy «San-Antonıo Sperstiń» sapynda oınap, mıllıondaǵan kórermenniń kózaıymyna aınalǵan ol óziniń sporttyq mansabyn tek osydan tórt jyl buryn ǵana aıaqtady.
Altynshy oryndy Kobe Braıant (boıy – 198 sm., salmaǵy – 96 kılo) enshileýde. Tabany kúrekteı 20 jyl boıy (1996-2016 jyldary) tek bir komandanyń – «Los-Andjeles Leıkerstiń» namysyn qorǵaǵan «Qara Mamba» ústimizdegi jyldyń 26 qańtarynda áýe apatynan qaıtys bolyp, kúlli jankúıerdi qan jylatyp ketken edi.
Jetinshi orynda – Irvın Djonson (boıy – 206 sm., salmaǵy – 116 kılo). Jastaıynan «Medjık», ıaǵnı «Sıqyrshy» degen búrkenshik esimdi ıelengen ol 1979-1991 jyldary «Los-Andjeles Leıkerstiń» basty juldyzy boldy. Teńdesi joq sheberliginiń arqasynda san mıllıon jankúıerdiń júregin jaýlaǵan Djonson odan keıin de kóz arbaǵan bıikterdi birinen keıin birin baǵyndyratynyna kúmán joq edi. Alaıda asqan daryn ıesi SPID dertine shaldyǵyp, úlken sporttan qol úzýge májbúr boldy.
Segizinshi oryndy Shakıl O’Nıl (boıy – 216 sm., salmaǵy – 147 kılo). ıemdendi. Dene bitimi óte iri jáne salmaǵy tym aýyr bolǵanyna qaramastan Nıý-Djersı shtatynyń týmasy óz dáýiriniń eń úzdik basketbolshylarynyń biri retinde tarıhta qaldy. 1992-2011 jyldar aralyǵynda O’Nıl alty birdeı klýbtyń jeıdesin kıdi.
Toǵyzynshy orynda – Kárim Abdýl Jabbar (boıy – 218 sm., salmaǵy – 121 kılo) 1969-1989 jyldary aralyǵynda áýeli «Mılýokı Baks», odan keıin «Los-Andjeles Leıkerstiń» sımvolyna aınalyp, «Ilmek laqtyrýdyń koroli» atanǵan jigittiń jasyndaı jarqyraǵan shaǵyn dúıim jurttyń áli de umyta qoımaǵany anyq.
Onynshy oryndy Bıll Rassel (boıy – 208 sm., salmaǵy – 98 kılo) ıelenýde. О́ziniń sporttyq jolyn 1966 jyly bastap, 1988 jyly aıaqtaǵan ol sol aralyqta «Boston Seltıks», «Sıetl Sýpersonıks» jáne «Sakramento Kıngzdiń» quramynda oınady. Jýyrda ǵana 86 jasqa tolǵan aqsaqal qazirgi kezde AQSh-tyń Kalıfornııa shtatyndaǵy Oklend qalasynda turyp jatyr.
