Foto: pixabay.com
Tergeý málimetinshe, kúdiktiler 82 avtokólikti zańsyz esepke qoıǵan. Olar klıentterdi messendjerler arqyly taýyp, mindetti tólemderdi tólemeı-aq kólikti tirkeýge kómektesetinin aıtqan.
Kelisim jasalǵannan keıin uıymdastyrýshy kólik týraly málimetterdi avtoınspektorǵa jiberip otyrǵan. Al ınspektor buryn esepten shyǵarylǵan, sıpattamasy uqsas kólikterdi tańdap alǵan.
Odan keıin jalǵan satyp alý-satý kelisimderi men senimhattar rásimdelip, jalǵan tulǵalar tartylǵan. Qujattar arnaıy HQKO arqyly ótkizilgen. Notarıýstyq áreketter kólik ıeleriniń qatysýynsyz júrgizilgen.
Vedomstvo málimetinshe, memleketke keltirilgen shyǵyn kólemi 705 mıllıon teńgeni quraǵan. Sot sanksııasymen kúdiktilerdiń jalpy quny 2,4 mıllıard teńge bolatyn múlkine tyıym salyndy.
Qazirgi ýaqytta bes kúdikti qamaýǵa alynsa, taǵy úsheýi úıqamaqqa jiberilgen. Qylmystyq is sotqa joldandy.
Eske salaıyq, buǵan deıin Almaty oblysy Balqash aýdanynda polısııa bólimi basshysynyń orynbasary qyzmettik kólikpen óz jubaıyn qaǵyp óltirgenin jazǵanbyz.
Sondaı-aq Aqtaýda polısııa kóligi bir jarym jasar balany qaǵyp ketkeni týraly jarııalandy.
Oralda polısııa qyzmetkeri qyz zorlady degen kúdikpen ustaldy.
