Foto: istockphoto.com
Reısin kútip otyrǵan sheteldik azamat avtovokzal mańyndaǵy oryndyqta otyryp, uıyqtap ketken. Oıanǵan kezde jol sómkesinen aqshasy men týrıst úshin eń mańyzdy sheteldik tólqujaty joǵalǵanyn baıqaǵan. Qujatsyz onyń Kanadaǵa oralýy qıynǵa soǵýy múmkin edi.
«Men birden «102» nómirine habarlastym. Maǵan mindetti túrde kómektesetinine senimdi boldym. Birneshe mınýttan keıin oqıǵa ornyna polısııa qyzmetkerleri keldi. Men bolǵan jaǵdaıdy aıtyp berdim. Olar meni sabyrǵa shaqyryp, joǵalǵan zattardyń tabylatynyn aıtty», deıdi Lıý Fenga.
Jedel izdestirý sharalary barysynda eki kúdikti anyqtalyp, ustaldy. Urlanǵan tólqujat pen aqsha tárkilenip, tolyq kólemde zańdy ıesine qaıtaryldy. Osylaısha Kanada azamaty saparyn esh kedergisiz jalǵastyra aldy.
Atalǵan derek boıynsha qylmystyq is qozǵaldy. Qazirgi ýaqytta ustalǵandardyń óńirde buǵan deıin jasalǵan osyǵan uqsas qylmystarǵa qatysy bar-joǵy tekserilip jatyr.
