BaiQymyz festıvali: Qarqaralyda eń úzdik qymyz anyqtaldy

1 mın

oqý úshin

Qaraǵandy oblysyynń Qarqaraly qalasynda 20 myńnan astam qonaq jınalǵan BaiQymyz etno-gastronomııalyq festıvali ótti. Qarqaraly aýdanynyń qymyz óndirýshileri eki birdeı júldeni ıelendi: bas júlde jáne ekinshi oryn. Jeńis úshin Qaraǵandy oblysy men Qazaqstannyń ózge óńirlerinen kelgen 37 sharýashylyq baq synady, dep habarlaıdy Egemen.kz.

Shyńǵys MUQAEV

BaiQymyz festıvali: Qarqaralyda eń úzdik qymyz anyqtaldy

Foto: Qaraǵandy oblysy ákimdigi

Baıqaýdyń qorytyndysy boıynsha 5 mıllıon teńge kólemindegi bas júldeni ıelenip, elimizdiń eń úzdik qymyz óndirýshisi atanǵan – «Qarqaraly Aqterek» brendi. Júldegerler qatarynda sondaı-aq Qarqaraly óńiriniń «Toqpan qymyzy» jáne Ulytaý oblysynyń «Jańaarqa qymyzy» boldy.

Qaraǵandy oblysy ákimdigi

Festıval qonaqtaryna shamamen 30 tonna qymyz usynyldy.

Is-shara aıasynda etnoaýyldar jumys istep, ulttyq sport túrlerinen jarystar, gastronomııalyq alańdar jáne konserttik baǵdarlama uıymdastyryldy.

30 tonnaǵa jýyq: Astanada qymyz rekordy tirkeldi

Bıyldan bastap BaiQymyz festıvali respýblıkalyq mádenı-týrıstik is-sharalar kúntizbesine engizilip, jyl saıyn ótkiziletin bolady.

Eske salaıyq, Astanada «Qazanat» ıppodromynda 2025 jyly shilde aıynyń 19-20 kúnderi buryn-sońdy bolmaǵan kólemdegi «BaiQymyz – baptalǵan qymyz jáne ulttyq taǵamdar» gastrofestıvali ótkeni málim.