Qala ákiminiń orynbasary QR Eńbek jáne halyqty áleýmettik qorǵaý mınıstriniń «Tótenshe jaǵdaı kezeńinde mindetti áleýmettik saqtandyrý júıesine qatysýshylarǵa áleýmettik tólemderdi júzege asyrý qaǵıdalaryn bekitý týraly» mınıstrliktiń 2020 jylǵy 26 naýryzdaǵy №11 buıryǵyna engizilgen ózgerister men tolyqtyrýlar týraly túsindirip, osyndaı qoldaý sharalarymen el aýmaǵynda shamamen 1,5 mln. azamat qamtylatynyn málimdedi.
Tabysynan aıyrylǵan azamattarǵa 42 500 teńge kólemindegi áleýmettik tólem alýǵa ótinim berý júıesi jeńildegenin aıtqan Janat О́mirserikqyzy jańa ózgerister boıynsha sońǵy bir jylda biryńǵaı jıyntyq tólemin aýdarǵan kez kelgen azamat joǵaryda atalǵan tólemdi alý úshin ótinim bere alatynyn aıtty.
Aıta keteıik, áleýmettik tólem alý úshin qaladaǵy 21 uıymda jumys istegen 80 azamat «egov.kz» portaly arqyly ótinim bergen.
Tólem alýǵa ótinim berý boıynsha 1414 jáne 39-50-55 baılanys nómirleri arqyly azamattarǵa keńes berilýde.
Shymkent
