«О́tken jyldyń jeltoqsanynda maquldanǵan basym jobalardy nesıelendirý tetigi aıasynda Ulttyq Bank qarjy ınstıtýttary men Agrarlyq nesıe korporasııasyna BJZQ zeınetaqy aktıvteri men Qazaqstannyń Turaqty damý qorynyń qarajattarynan uzaq merzimdi teńge ótimdiligin usynady. О́tken jyly jeti emıtenttiń 173,39 mlrd teńgege oblıgasııalary satyp alyndy», - dep atap ótti bas bank.
Sondaı-aq, Ulttyq bank bul jobaǵa menshikti kapıtaly 60 mlrd. teńgeden asatyn qarjy ınstıtýttary qatysa alatynyn aıtty.
Bir emıtentke salynǵan ınvestısııalar lımıti 70 mlrd. teńgeden aspaıdy.
«Bıyl ınvestısııalar jalǵasady. Eger yqtımal jobalardyń aldyn-ala tizbesi bolsa jáne buryn bólingen qarajatty tolyq paıdalaný aıaqtalǵan bolsa ,baǵdarlamaǵa qatysýshylardyń ótinishteri kelip túsedi», - dep qorytyndylady Ulttyq bank.
Buǵan deıin biz Qazaqstannyń birinshi prezıdenti Nursultan Nazarbaev bankterge kem degende 600 mıllıard teńge kóleminde uzaq merzimdi teńgelik ótimdilik berýdi tapsyrǵanyn jazǵanbyz.
О́tken jyldyń naýryzynda Ulttyq Bank úsh qarjy ınstıtýtynyń oblıgasııalaryn 113 mıllıard teńgege satyp aldy.
