Muqtaj jandarǵa kómektesedi

О́z kezeginde Qazaqstan Prezıdenti eldegi qabyl­danyp otyrǵan qatań shara­lardyń ýaqtyly ári oryndy ekenin, elde vırýstyń jappaı taralýyna jol beril­meı­tinin atap kórsetti. Son­daı-aq ol halyqtyń áleý­­met­tik jaǵdaıynyń tómen­­deýin bol­dyrmaýdyń mańyz­dyly­ǵyna toqtalyp, azamattar men bızneske arnalǵan naqty kómektiń qosymsha tetikterin usyndy.

Osyǵan deıin Daǵdarys­qa qarsy alǵashqy sharalar toptamasyna sáıkes jalpy kólemi 4,4 trıllıon teńgeni nemese 10 mıllıard dollar­dy quraıtyn qarajat bólingenin aıta ketý kerek.

Sóıtip Memleket basshy­sy­nyń málimdemesine sáıkes osy jyldyń 1 sáýirinen bas­tap daǵdarysqa qarsy bir­qatar jańa sharalar iske qosy­lady. Osyǵan deıin taby­sy­nan aıyrylǵan aza­mat­tar­ǵa eń tómengi jalaqy mól­sherinde (42500 tg) qoldaý kór­setile bastaǵan edi. Endi bul kó­mekti alatyndar sanaty ke­ńeı­tilip, ózin ózi jumys­pen qam­tyǵandar men resmı tirkelmeı jumys isteıtinder de osyndaı kómek alatyn bolady. Mundaı qoldaý úsh mıllıonǵa jýyq azamatty qamtymaq.

Sondaı-aq áleýmettik qol­daý sharalary sheńberinde jalpy sany 800 myńnan as­tam muqtaj janǵa, sonyń ishinde 1,2,3-toptaǵy múge­dekter men jumyssyz retinde tirkelgen azamattarǵa tegin azyq-túlik taratylady. О́z kezeginde azamattarǵa tegin medısınalyq kómek kórse­tý jalǵasatyn bolady, sebe­bi mindetti áleýmettik medısı­nalyq  saqtandyrý júıesine tirkelmegen azamattardyń kómek alý quqyǵy 1 shildege deıin uzartyldy.

Karantın jaǵdaıynda halyqty jumyspen qamtý máselesi kún tártibindegi kezek kúttirmes másele bolyp otyr. Osyǵan oraı Memle­ket basshysy respýblıkalyq mańyzy bar qalalardyń janyndaǵy eldi mekenderdegi jastardy Jumyspen qamtý jol kartasy sheńberinde jumysqa ornalastyrýdy tapsyrdy. Olarǵa negizgi jalaqyǵa qosa 85 myń teńge kóleminde bir rettik kóterme aqy tólenedi.

Jalpy, Memleket basshysy shaǵyn jáne orta bıznesti qoldaý máselelerine erekshe kóńil bóldi. Qasym-Jomart Toqaev óz málimdemesinde bıznes ókilderiniń osyǵan deıin engizgen usynystary­na ret-retimen jaýap berip, ekonomıkalyq ahýaldyń ár­túrli damý baǵyttaryna saı memlekettiń óz jospary bar ekenin bildirdi.

Bul rette, Prezıdent Ult­tyq qordan bólinetin qara­jattyń únemdi jáne oryndy jumsalýy qajettigi­ne jete nazar aýdardy. Asa iri kólemdegi aqshalaı qara­jattyń maqsatty jáne tıim­di jumsalýyn qamtamasyz etý mindeti Respýblıkalyq bıýdjettiń atqarylýyn baqy­laý jónindegi Esep komıtetine júkteldi. О́ńirlik tekserý komıssııalary men qoǵamdyq keńesterdi de osy jumys­qa tartýdyń mańyzdy eke­nin, biraq tótenshe jaǵdaıdyń erekshe sharttaryn eskerý qajettigin atap ótti.

 «Halyq únine qulaq asatyn memleket» tujyrymda­ma­syn júzege asyrý azamat­tar­dyń memleket pen bılik­ke degen senim dárejesine tike­leı baılanysty. Bul tek problemalar jáne olardy sheshý boıyn­sha qabyldanǵan sha­ralar týraly qoǵamdy ba­ryn­sha aqparattandyrý ar­­qy­ly iske aspaq. Osyǵan oraı Pre­zıdenttiń ózekti máse­le­ler­di sheshý jolynda mem­le­kettiń ashyqtyǵy men qoǵam­men suhbatqa ázirligin kórsete bilgenin atap ótken jón.

Sóıtip, Prezıdent qandaı kúrdeli kezeń bolsyn, memleket tarapynan muqtaj azamattarǵa árdaıym kómek jasalatynyn, ýaqytsha qıyn­dyqty birlesip eńserýge bolatynyna senim bildirdi. Osyn­daı syn saǵatta halyqtyń aýyzbirshilik tanytyp, memleketke qoldaý kórsetýi mańyz­dy bolmaq.

Mádına BEKTENOVA,

Qazaqstan strategııalyq zertteýler ınstıtýtynyń jetekshi ǵylymı qyzmetkeri