Avtomobıl joldary salasy otandyq taýar óndirýshilerge qıyn kezeńde qoldaý kórsetip, qazaqstandyq kompanııalardan qurylys materıaldaryn satyp alýda. Sonymen qatar, merdiger kompanııalardyń bank kepildemelerin usyný merzimderin uzartýǵa qatysty sharalar qolǵa alyndy. Mundaı shara kompanııalardyń tótenshe jaǵdaı kezindegi jumysyn edáýir jeńildete túspek.
Búgingi tańda qurylys jáne rekonstrýksııalaý jumystary júrgizilip jatqan respýblıkalyq mańyzǵa ıe avtomobıl joldaryndaǵy barlyq nysandarda sanıtarlyq-epıdemıologııalyq normalar men erejeler saqtalǵan. Ál ýchaskede medısınalyq qyzmetker jumys isteıdi. Sondaı-aq, qurylys nysandaryn kúzetý sharalary kúsheıtilip otyr.
Máselen, jumyskerlerdiń barlyǵy kúnine eki ret medısınalyq qaraýdan ótedi. Qyzmetkerler mindetti túrde betperde kıip júrýi tıis. Medısınalyq pýnktterdiń barlyǵy betperdelermen, antıseptıkalyq, zalasyzdandyrǵysh quraldarmen, termometrlermen qamtylǵan. Búgingi tańda qurylys jáne rekonstrýksııalaý jumystary júrgizilip jatqan nysandardyń medısınalyq pýnktterinde 28 myń betperde bar. Sonymen qatar, bul nysandarǵa kirý men olardyń aýmaǵynan shyǵý shekteýli. Materıaldardy jetkizýshi kólikter men qurylys tehnıkasynyń kirip-shyǵýyna ǵana ruqsat etilgen.
Qazirgi tańda rekonstrýksııalaý jumystary júrgizilip jatqan jol ýchaskelerinde 11 myńnan astam adam qyzmet etse, tehnıkanyń 6700-ge tarta birligi jumyldyrylǵan. Aıta ketý kerek, Jumyspen qamtýdyń jol kartasy aıasynda avtomobıl joldary salasyndaǵy qurylys jumystaryna 2020 jyly 1300 qazaqstandyq jas azamat tartylatyn bolady.
