Joǵary sapaly bilim, halyqaralyq taný, belsendi zertteý jáne damytý, ınnovasııa, eń myqty fakýltetter jáne daryndy túlekter - bul búgingi kúni, QazUÝ-dyń maqtanyshyna aınaldy.
Ál-Farabı atyndaǵy Qazaq ulttyq ýnıversıteti – talantty, daryndy stýdentterdiń basyn biriktirip otyrǵan meken, syılastyq pen shynaı dostyqtyń ordasy.
Ál-Farabı atyndaǵy Qazaq ulttyq ýnıversıteti – adamnyń tulǵa bolyp qalyptasýyna yqpal etip, tulǵanyń jan-jaqtyqabiletin ashyp kórsetýine múmkindik beretin, kópjyldyq bilim salasyndaǵy jáne ǵylymı jumystarda tájirıbesi mol joǵary oqý orny.
QazUÝ-dyń 2020 jylǵa deıingi damý strategııasyna sáıkes oqý prosesin tolyqtaı jańǵyrtý, bilim mazmunyn álemniń tanymal jetekshi ýnıversıtetterimen sáıkestendirý maqsatynda oqý baǵdarlamalaryn ártaraptandyrý.
QS Agenttiginiń 2019 jyly ótkizgen táýelsiz baǵalaý nátıjeleri boıynsha QazUÝ Qazaqstanda alǵash bolyp Ortalyq Azııa aımaǵynda «QS Stars Development Road map» halyqaralyq reıtıngisinde «Tórt juldyz» ústemdik belgisine ıe bolyp, QS «World University Rankings» halyqaralyq reıtınginde álemdegi eń úzdik 800 ýnıversıtetter arasynda 207 orynǵa ıe boldy. Bul topqa postkeńestik keńistikten tek eki ýnıversıtet kiredi: QazUÝ jáne Lomonosov atyndaǵy Máskeý memlekettik ýnıversıteti (RF).
Ýnıversıtetimizde, sonymen qatar, dástúrli túrde «Meniń Qazaqstanym», «Sýper stýdent», «Jalyn» birinshi kýrs talanttaryn anyqtaý, «Stýdenttik kóktem», «HQF arýy», «Ýnıversıtet arýy», KVN, «Ana tili arýy – Jigit sultany» sııaqty baıqaýlar joǵary deńgeıde ótkizilip turady. Fakýltetten tys ártúrli pikirtalastar, ıntellektýaldy oıyndar jáne dóńgelek ústelder uıymdastyratyn ıntellektýaldy-dıskýssııalyq klýbtar uıymdastyrylady. Oqý prosesine ózin-ózi basqarý elementterin engizý, jastardyq mádenı-jalpylama jáne sporttyq jumysyn uıymdastyrý, salaýatty ómir saltyn ustanýdy nasıhattaý, oqý-tárbıe prosesin jetildirýge at salysý maqsaty bolyp tabylatyn stýdenttik dekanat qyzmet etedi. Nátıjesinde stýdentter tek qana óz isiniń mamany bolyp qana qoımaı, sonymen qatar ómirlik ustanymdarynyń da kóshbasshysy bolady.
Ál-Farabı atyndaǵy QazUÝ Ekonomıka jáne bıznes joǵary mektebindegi «Esep jáne aýdıt» kafedrasy 2004 jyldyń 27 sáýirinde qurylǵan. «Esep jáne aýdıt» kafedrasy býhgalterlik esep jáne aýdıt salasynda básekege qabiletti, joǵary bilikti mamandardy daıyndaıtyn kafedra bolyp tabylady. Bul kafedrada professor-oqytýshylar quramynyń sapasyn arttyrý boıynsha jumystar únemi júrgizip otyrady. Jyl saıyn professorlyq oqytýshylar quramy sheteldegi jetekshi JOO – na biliktilikti arttyrýǵa jiberilip turady. «Esep jáne aýdıt» kafedrasy 30 artyq pán boıynsha qazaq, orys jáne aǵylshyn tilderinde bilim beredi. Mindetti pándermen birge elektıvti pánder de oqytylady. Kafedra boıynsha elektıvti kýrstardyń erekshelikteri - ekonomıkanyń ártúrli salalarynda jumys isteıtin býhgalterlerdi daıyndaý kezinde tájirıbelik qyzmetke kóp kóńil bólinetindiginde.
2012-2013 oqý jylynan bastap «Esep jáne aýdıt» mamandyǵy boıynsha tek aǵylshyn tilinde bilim alatyn stýdentter toby qabyldanǵan. Búgin bizdiń stýdentter dıplomdaryn alǵannan keıin naryqta suranysqa ıe , oqý prosesin úzbeı kez-kelgen stýdent halyqarylyq býhgalterlik esep salasy boıynsha SIPA sertıfıkasııa baǵdarlamasy SAR – sertıfıkattalǵan tájirıbeli býhgalterge oqyp, sertıfıkatyn alý múmkindigi bar. SIPA sertıfıkatyna emtıhandardy tapsyrý boıynsha stýdent QR aýdıtorlar saralaýlary boıynsha emtıhandar ózara esepke alynady.
Búgingi kúni Ál-Farabı atyndaǵy Qazaq ulttyq ýnıversıteti sizderge mamandyqtardyń keń tańdaýyn usynatyn, tolyq bilim men ǵylym berý kesheni bolyp tabylady. Bizdiń ýnıversıtet Qazaqstannyń bolashaǵyn daıyndaıdy dep aıtýǵa bolady, óıtkeni bizdiń túlekterimizdiń basym kópshiligi qazaqstandyq qoǵamnyń elıtasyna enip, el damýynyń vektoryn qalyptastyrýǵa qatysady.
Sarııa BAIMUQANOVA,
Ál-Farabı atyndaǵy Qazaq Ulttyq Ýnıversıteti
Qarjy jáne esep kafedrasynyń professory, ekonomıka ǵylymdarynyń doktory
