Jyl saıyn 12 mlrd dana gúl satatyn eldiń gúl-gúl jaınap turǵan ómirin óte aýyr kóńilsizdik jaılaǵany sezilip-aq tur.
Álemdi ábigerge salǵan indet qaı salanyń bolsyn qaryshtap damýyna qursaý bolyp tur. Onyń ishinde kásipkerlerdiń tirligi kádimgideı turalap qalǵany bizdiń ózimizge bilinýde.
Keshe ǵalamtor betinen Nıderlandydaǵy gúl naryǵynyń qulaǵanyn kózimiz shalyp qaldy. Shynymen búginde «Baıtal túgil bas qaıǵy» demekshi, súıiktisine gúl syılaýǵa eshkimniń zaýqy joq sııaqty.
Atalǵan aqparatty oqyp otyrsaq, gúl satýmen aınalysatyn iri kompanııalar karantın saldarynan satylymnyń kúrt tómendeýine baılanysty floralyq ónim men gúl satý kásibin tastaýǵa májbúr.
«Koronavırýs – bul gollandtyq gúl ónerkásibi úshin apat boldy... Bizdiń naryqtaǵy tabysymyzdyń 85% paıyzy joǵaldy», deıdi Royal Flora Holland kompanııasynyń baspasóz qyzmetkeri Mıshel Van Shı. Jyl saıyn 12 mlrd dana gúl satatyn eldiń gúl-gúl jaınap turǵan ómirin óte aýyr kóńilsizdik jaılaǵany sezilip-aq tur.
Maqalada sondaı-aq keıbir gollandııalyq gúl ósirýshiler medısına qyzmetkerleriniń jumysyn qoldaý esebinde rızashylyq bildirip, tegin qyzǵaldaq taratýǵa júgingenderi aıtylǵan.
Ony oqyp otyrǵan onlaın-oqyrmandar qarap qalmaı saly sýǵa ketken saýdagerlerge tegin «aqyldaryn» áleýmettik jeliniń betinde tópelep jatyr. Bir bilgish «bizge de tegin taratyp bere salsyn» dese, ekinshisi kásipkerlerge jandary ashyǵanyn aıtyp «Obal bolypty, ol gúlderdi ne sata almaısyń, ne jeı almaısyń» dep sońyn ázilge súıegen.
Osy kezde jypyrlaǵan jazbalardyń ishinen bizdi jymıtqan ári oılandyryp tastaǵan bir pikir shyǵa keldi. Osy qysyltaıań shaqtyń ózinde gúl saýdasyn gúldendirip otyrǵan otandastarymyz bar eken. Baıqaýymyzsha álgi jeke kásipkerler gúldi úıińizge deıin jetkizip berýmen belsendi aınalysyp jatqanǵa uqsaıdy. Instagramdaǵy paraqshasyna kirip qaraıtyn bolsańyz, shynymen de qushaq-qushaq gúl shoqtaryn úı-úıge jetkizip berip jatqan qyz-jigitterdi kóresiz...
Árıne, mynaý kóńilsizdik jaılaǵan jer betin sulýlyq, sál ǵana meıirim qutqaratyny sózsiz. Degenmen qadam basqan saıyn qaterdiń jaqyndaı beretinin áste esimizden shyǵarmaǵanymyz abzal ǵoı.
Mıras ASAN,
«Egemen Qazastan»
Janqosh Turarov álem chempıony atandy
Sport • Keshe
«Qajymuqannyń inisi». Túıe kótergen palýan
Qoǵam • Keshe
Tazy asyraýshy Prezıdentke Naýryz esimdi kúshikti syıǵa berdi
Prezıdent • Keshe
Ramazan aıynda qaı avtobýstar tegin qatynaıdy?
Qoǵam • Keshe
Tarazdyq polıseıler joǵalyp ketken 6 jasar balany tapty
Oqıǵa • Keshe
Astana qalasy boıynsha Qazynashylyq departamentine jańa basshy taǵaıyndaldy
Taǵaıyndaý • Keshe
Uqsas jańalyqtar
