BUU Bas hatshysy A.Gýterresh qalyptasqan jaǵdaıdy Ekinshi dúnıejúzilik soǵystan keıingi kezeńdegi eń kúrdeli daǵdarys dep atady jáne bul jaı ǵana sóz emes. Boljam boıynsha, álemde 25 mıllıon adam jumysynan aıyrylyp, ekonomıkalyq baılanystar kúrdelenedi, bıznes turalap, elderdi jańa kedergiler alańdatady. Álem kóz ilespes jyldamdyqpen ózgerýde.
Osyndaı kúrdeli jaǵdaılarda Memleket basshysy eldiń áleýmettik-ekonomıkalyq damý qarqynyn jiti qadaǵalap, halyqtyń eń shuǵyl qajettilikterine der kezinde jáne basa nazar aýdarady. Prezıdent Q.Toqaevtyń basshylyǵymen Qazaqstan jappaı taralǵan indettiń aldyn alý sharalaryn ýaqytynda qabyldady, Tuńǵysh Prezıdent, Elbasy N.Á.Nazarbaevtyń bastamasymen qurylǵan Qazaqstan Respýblıkasynyń Ulttyq qory – «qaýipsizdik belbeýi» tıimdi jumys isteıdi.
Qazaqstan Ata zańda belgilengen áleýmettik memleket týraly konstıtýsııalyq normany senimdi jáne múltiksiz oryndaıdy.
El Prezıdenti Q.Toqaev zeınetaqy men memlekettik járdemaqyny, ataýly áleýmettik kómekti jyldyq 10%-ǵa ındeksasııalaýdy tapsyrdy. MÁMS qatysýshysy mártebesine qaramastan, barlyq azamattardyń mindetti áleýmettik medısınalyq saqtandyrý júıesinde medısınalyq kómek alý quqyǵy 1 sáýirden 1 shildege deıin uzartylady.
Bul barlyq azamattardyń ál-aýqaty men múddelerine qatysty sharalar.
Qazaqstan halqy Assambleıasy Memleket basshysynyń málimdemesin tutastaı jáne tolyǵymen qoldaı otyryp, olardy iske asyrýǵa jan-jaqty azamattyq qoldaý kórsetý qajettigin málimdeıdi.
Biz osyndaı sátte jaýapkershilikti tek memleketke ǵana aýdara salýǵa quqyǵymyz joq. Mejelengen nátıjege qol jetkizý árbir azamattyń búgingi tańda karantındik sharalardy qatań saqtaýynan bastalady. Bizdiń bul iske azamattyq atsalysýymyzdyń odan arǵy vektory Prezıdenttiń jańa bastamalaryn iske asyrýǵa belsendi járdemdesýge baǵyttalýy tıis.
Qazaqstan halqy Assambleıasynyń músheleri karantın jaǵdaıynda qol jetimdi áleýmettik jelilerdiń, elektrondy taratylymdardyń, ózderiniń azamattyq baılanystarynyń barlyq múmkindikterin paıdalana otyryp, ózin ózi jumyspen qamtyǵan azamattar arasynda keń aýqymdy túsindirý jumystaryn júrgizedi.
Aqparattyq jumys aýqymyna 3 mıllıonǵa jýyq azamatymyzdy eń tómengi jalaqy mólsherinde qosymsha áleýmettik tólemdermen qamtý; azamattardyń túrli sanattaryn tegin azyq-túlik jáne turmystyq jıyntyqtarmen qamtamasyz etý jáne olardy óndirý men jetkizý jumystaryna jergilikti shaǵyn jáne orta bıznesti tartý sııaqty sharalar qamtylýy tıis.
Qazaqstan halqy Assambleıasy Memleket basshysynyń kóktemgi egis jumystaryn ýaqytynda júrgizý jáne shaǵyn jáne orta sharýa qojalyqtaryn qoldaý, jańa jumys oryndaryn ashý jónindegi tapsyrmasyna erekshe nazar aýdarýǵa shaqyrady. Aýyl sharýashylyǵy óndirisinde mol tájirıbesi bar QHA músheleri Prezıdenttiń bastamalaryn júzege asyrý úshin qajetti kómek kórsetý, aýyl sharýashylyǵy ónimderin óndirýshi jastarǵa qamqorlyq jasaý, keńes berý jáne ózge de qoldaý kórsetý sharalaryn jasaıtyn bolady.
Sonymen qatar árıne osy mindetti iske asyrýǵa ózderi de atsalysýy kerek.
Biz, Qazaqstan halqy Assambleıasynyń músheleri, Prezıdent Q.Toqaevtyń tapsyrmalaryn iske asyrýǵa barynsha qoǵamdyq baqylaýdy qamtamasyz etýge nıettimiz. О́ıtkeni álemdik daǵdarys pen resessııa jaǵdaıyndaǵy bizdiń elimizdiń qarjylyq múmkindikteri sheksiz emes.
Qazaqstan halqy Assambleıasy elimizdiń barlyq azamattaryn Memleket basshysy belgilegen tapsyrmalardy oryndaýǵa joǵary jaýapkershilikpen qaraýǵa, olardy tıimdi iske asyrý úshin sanalylyq tanytyp, yntymaqtyń jáne belsendi azamattyq ustanymnyń úlgisin kórsetýge shaqyrady.
Qazaqstan halqy Assambleıasy búgingi tańda bizdiń árqaısymyz halqymyzǵa jáne elimizge tóngen syn saǵattarda qıyndyqtardy jeńý jolynda ózara kómek pen izgilik jáne yntymaqtastyq úlgisin kórsetý úshin kúsh-jiger men múmkindikter tabatynyna senim bildiredi.
Tek osylaı ǵana biz qalyptasqan kúrdeli jaǵdaıdy eńserýge bárimiz birlese qol jetkizemiz.
Qazaqstan halqy Assambleıasynyń Keńesi
