Petropavl karantınge jabyldy

Eńbek jáne halyqty áleýmettik qorǵaý mınıstrligi tótenshe jaǵdaılar kezeńinde tabysynan aıyrylýyna baılanysty azamattardyń Memlekettik áleý­mettik saqtandyrý qorynan (budan ári – MÁSQ) tólem alýǵa ótinish berý rá­simin jeńildetý úshin arnaıy Telegram-botty iske qosady. Bul týraly Pre­zıdent janyndaǵy Ortalyq kommýnıkasııalar qyzmetiniń brıfınginde vedomstvo basshysy Birjan Nurymbetov málimdedi. Qalaǵa kirý men shyǵý toqtatylady. Qoǵamdyq kólikter júrmeıdi. Menshik túrine qaramastan barlyq kásiporyn-mekemeler óz jumysyn toq­tatady. Tek memlekettik organ­dar, ákimdikter, aýrýhanalar, ishki ister organdary jáne kom­mýnaldyq qyzmet qana jumys isteıdi. Azyq-túlik dúkenderi men dárihanalar tańerteńgi 10.00-den keshki 18.00-ge deıin ǵana jumys isteıtin bolady. Adamdar tek qana jumys pen dúkenge shyǵa alady. Basqa ýaqyttyń bárinde kóshege shyqsa polısııa olarǵa 26 myń teńge kóleminde aıyppul salady. 65 jastan asqan adamdar úıden múlde shyqpaýy kerek. Olarǵa zeınetaqyny «Qazposhta» qyz­met­kerleri jetkizip beredi.

Bul týraly oblys ákimi Qumar Aqsaqalov málimdedi. Brı­­fıng barysynda óńir basshysy aýyl sharýashylyǵy óni­min óndirýshilerge Úkimet 5 paıyz­dyq jeńildetilgen nesıe bere­tinin, oǵan Memleket basshy­synyń sheshimimen memle­kettik qordan 70 mlrd teńge ba­ǵyttalǵanyn jetkizdi. Oblysta ony alýǵa 300 dıqan tilek bildiripti. Al shaǵyn jáne orta bıznes ókilderi alty aıǵa deıin salyqtan bosatylady.

Qazir oblysta koronavırýs juqtyrǵan 7 adam tirkelgen. Olardyń bári juqpaly ınfek­sııalyq aýrýlar stasıonaryna ornalastyrylǵan. Naýqastarmen baılanysqa túsken, aralasqan adamdar tolyq anyqtalǵan. Sońǵy kúnderi qalada indetke ushy­raǵan úsh adam anyqtaldy. Onyń ekeýi Jumyspen qam­tý or­talyǵynda isteıtin árip­tes­­terinen, taǵy bir áıel ózi eńbek etetin karan­tındik stasıonarda juqtyrǵan. Ta­ıyn­sha qalasynan anyqtalǵan, laborant bolyp eńbek etetin áıel ózderinde sanıtar bolyp istegen adamnan juqtyrǵan. Qazir Taıynsha qalasy men Kellerovka aýyly da 14 kúnge karantınge ja­byldy.

Búginde Petropavlda ınfek­sııanyń bes oshaǵy bar. Bul – kópqabatty úıler. Ákim óziniń málimdemesinde olardyń turǵyndaryna shydamdylyq tanytyp, qıyndyqty sabyrmen jeńýge, úıden shyqpaýǵa shaqyrdy. Indet juqtyrǵan bir áıel №1 qalalyq emhanaǵa barǵan eken. Oblys ákimi múmkindiginshe halyqty emhanaǵa barmaýǵa shaqyrdy. «Eger ózderińniń boılaryńyzdan indettiń sımp­tomdaryn sezseńizder, eshqaıda barmaı, 1406 nemese 103 nómir­lerine habarlasyńyzdar. Esh­qaıda shyqpańyzdar. Sonda ǵana biz indettiń taralmaýyn qam­tamasyz ete alamyz», dedi ol.

Soltústik Qazaqstan oblysy