foto: icdo.org
RIA Novostı agenttiginiń málimetinshe, kúdiktiler jazasynyń bir bóligin túrmede, ekinshi bóligin erekshe rejımdegi túzeý kolonııasynda óteıdi.
Olardyń ishinde tórteýi – Dalerdjon Mırzoev, Mýrodalı Rachabalızoda, Mýhammadsobır Faızov jáne Shamsıdın Farıdýnı – lańkestik shabýyldy oryndaýshylar bolyp tanyldy.
Sottalýshylardyń sybaılastary: Ýmedjon men Mýstakım Solıevter, Shahromdjon Gadoev, Zýbaıdýllo Ismoılov, Hýseın Hamıdov, Mýhammad Sharıpzoda, Iаkýbdjonı Iýsýfzoda, Nazrımad Lýtfýlloı, Djýmahon Kýrbonov, Hýsen Medov jáne Djabraıl Aýshev.
Olardyń árqaısysyna 990 myń rýbl (6 mln 237 myń teńge) kóleminde aıyppul salynǵan. Is Ekinshi Batys aımaqtyq áskerı sotynda qaralǵan.
Sondaı-aq lańkestik shabýyl jasaǵandarǵa baspanany jalǵa bergen azamat ta 22 jyl 10 aıǵa bas bostandyǵynan aıyryldy. Onyń Máskeý oblysyndaǵy páteri tárkilendi. Sodyrlarǵa kólik satqan úsh adam 19 jyl 11 aıǵa sottaldy.
Eske sala keteıik, 2024 jylǵy 22 naýryzda Máskeýdiń soltústik-batysyndaǵy «Krokýs sıtı holl» konsert zalynda atys boldy. Saldarynan 149 adam qaza taýyp, alty júzden astam adam túrli jaraqat aldy, taǵy bir adam iz-túzsiz joǵalyp ketti.
