Foto: Lada.kz
Aqtaý qalasynda quqyq qorǵaý organdary «Ardager» saýda ortalyǵynda bomba izdegen. Saperlik tekserý kezinde qandaı da bir jarylǵysh qurylǵy tabylmaǵan.
«Saperlerdiń tekserýi barysynda jarylǵysh zat anyqtalmaǵan», dep naqtylady Mańǵystaý oblysy polısııa departamentiniń baspasóz qyzmeti.
Qazir polısııa jalǵan habar taratqan tulǵany anyqtaý boıynsha operatıvtik is-sharalar júrgizip jatyr.
«Bul jaǵdaı Qazaqstan Respýblıkasynyń QK-nyń 273-baby boıynsha (Adamdardy jalǵan terrorlyq akt týraly habarlaýy) Birikken tergeý reestrine tirkeldi. Atqarylatyn sanksııa eki jylǵa deıin bas bostandyǵynan aıyrýdy qarastyrady», dep habarlady vedomstvo.
Eske salsaq, buǵan deıin jalǵan aqparat taratqan Aqtaý turǵyny jazalanǵan bolatyn. Ol bilim berý mekemeleriniń birinde bomba bar degeni úshin 1,5 jylǵa bas bostandyǵynan aıyrylǵan.
«Jarylǵysh zat bar»: Atyraý áýejaıynda jolaýshylar evakýasııalandy
