foto: TJM
Oqıǵa 21 sáýir kúni keshke bolǵan. Qutqarý qyzmetine túsken habarlama boıynsha, kópirdiń 4-irgetasynda oqshaýlaǵysh materıaldar men aǵash qalyp elementteri tutanyp ketken. О́rt shamamen 30 metr bıiktikte bastalǵan.
Tótenshe jaǵdaılar qyzmetiniń málimetinshe, órt sóndirýshiler qıyn jaǵdaıǵa qaramastan, jalyndy jedel túrde baqylaýǵa alyp, 160 sharshy metr aýmaqtaǵy órtti tolyq sóndirgen. Eń bastysy – jalynnyń kópirdiń negizgi qurylymyna taralýyna jol berilmegen.
Jetisýda polıseıler kólik órtin sóndirip, adamdardy qutqardy
Aıta keteıik, bul nysan bıyl 31 qańtarda da órtengen bolatyn. Sol kezde de órt dál sol 4-irgetas bóliginde tirkelgen.
Qazirgi ýaqytta órttiń shyǵý sebepteri anyqtalýda.
Avtokólik kópiriniń qurylysy 2024 jyldyń mamyr aıynda bastalǵan. Bul joba Ertis ózeni arqyly ótetin, 60 jyldan astam ýaqyt paıdalanylyp kele jatqan eski ótkeldiń ornyna salynyp jatyr. Jobanyń quny ondaǵan mıllıard teńgemen baǵalanady.
QazAvtoJol málimetinshe, bul kópir elimizdegi alǵashqy ekstradozdy qurylym bolady. Ol birinshi sanattaǵy avtojol talaptaryna saı salynyp, tórt jolaqtan turady (ár baǵytta eki jolaqtan).
Qurylysty osy jyldyń sońyna deıin aıaqtaý josparlanyp otyr. Buǵan deıingi málimetterge sáıkes, qurylys bastalǵaly beri tehnıkalyq aqaýlar nemese baqylaýshy organdar tarapynan eskertýler tirkelmegen.
