Atap aıtqanda Aqtóbe oblystyq ınfeksııalyq aýrýhana ujymyna joldaǵan 20 tonna et pen 20 tonna kartop kásipkerdiń medısına qyzmetkerlerine degen qoldaýy men janashyrlyǵynyń belgisi ekeni haq. Bul jóninde ol óziniń aqjarma tilegin «Egemen.kz» tilshisine tómendegishe jetkizdi.
-Men bul kómekti jergilikti atqarýshy bılik jetekshileriniń nemese ózge bireýlerdiń aıtýymen emes, júregimniń qalaýy boıynsha jasaǵandy jón kórdim. Osy arqyly ózimdi kórsetip qalaıyn degen oıdan da aýlyqpyn. Pandemııaǵa deıin jetken qaýipti dertpen betpe-bet kelip arystansha arpalysyp júrgen dárigerlerdiń qazirgi ankeshti is-qımyldary qandaı qoldaýǵa da laıyqty. As –adamnyń arqaýy demeı me. Bizdiń seriktestikte óndirilgen tabıǵı jáne ekologııalyq turǵydan taza jergilikti ónimderden olar ózderine ystyq tamaq ázirlep ishse –oıǵa alǵan maqsatymnyń oryndalǵany.
Mine, azamattyq, el men jurt aldyndaǵy paryz ben qaryzdyń óteýi dep osyny aıtyńyz. Endeshe onyń mundaı márttgi men jomarttyǵy ózge áriptesterine de sińisti bolsa ıgi.
