Aı saıyn tóleıtin avanstyq tólemderinde de problemalar bar. Olar keıbir tólem túrleriniń keıinge shegerilgenin qalaıdy. Sebebi ShOB-tyń áleýetin kóterýge baǵyttalǵan sharalardyń shapaǵaty bıznes ókilderiniń bárine birdeı jetpeı jatyr. Sondaı-aq iri bıznes ókilderi QQS paıyzdyq mólsherlemesin qaıta qaraýdy surap otyr. Qazir bul usynys kásipkerler arasynda talqylanyp jatyr. Olardyń pikirleri men usynystary zerttelip, zerdelengen soń Úkimetke usynys retinde joldanady. Birinshi paket qabyldanǵan kezde jaǵdaı basqasha edi. Ol kezde Nur-Sultan qalasy men Almaty qalasy ǵana karantınge jabylǵan. Qazir jaǵdaı basqasha. Eki qalanyń emes, eldegi barlyq kásipkerler qıyndyqpen betpe-bet qalyp otyr. Sol sebepti jaǵdaıdyń betalysyna qarap sheshim qabyldanǵanyn qalaımyz» deıdi ol.
Onyń pikirinshe, salyqtyń úsh aıǵa keıinge shegerý máselesi taǵy da pysyqtalatyn boldy. «Kóp nárse jasalyp jatyr, kóptegen sharalar qabyldanýda. Qazir tótenshe jaǵdaılardan zardap shekken salalar anyqtalyp jatyr. Sol sebepti keıbir sharalar kezeń-kezeńmen júrgizilgeni durys. Alǵashqy kómek paketi boıynsha qoldaý sharalary 1,3 mln kásipkerdi qamtydy» deıdi Janbolatova.
Sondaı-aq jalaqy qorynan salyqty keıinge shegerý tótenshe jaǵdaıda eń kóp zardap shekken salalarǵa qaraı baǵyttalyp jatyr. «Qazir jumys istep, paıda taýyp, keıbir operasııalardy júzege asyryp jatqan salalar bar. Jaǵdaıdyń qalaı bolatyny aldaǵy ýaqytta anyqtalady. Kásipkerler áli jumys isteıtin salalar bar. Olardyń kiristeri bar, keıbir operasııalar jasalady. Eńbekaqy qorynyń júktemesi 32,5% quraıdy delik. Al zardap shekken salalar úshin alty aı ishinde tolyqtaı joıylady. Memleket basshysy salalardyń tizimi jańartylatyn bolady dedi. Bul tizim kezeń-kezeńmen, jaǵdaıǵa baılanysty keńeıetin shyǵar», dep túıindedi Janbolatova.
ALMATY
