Bul týraly mınıstrliktiń baspasóz qyzmeti habarlady. «Bastapqyda málimetterdi tekserýdiń jáne ótinishterdi qaraýdyń merzimi jeti jumys kúni ishinde belgilendi. Tólemderdi taǵaıyndaý prosesin jedeldetý úshin ótinishterdi qaraý merzimi úsh jumys kúnine deıin qysqardy. 8 sáýirdegi 3,1 mıllıon qońyraýlardyń 1,3 mıllıony – bir-birin qaıtalaıtyn ótinishter boldy» deıdi baspasóz bólimi taratqan habarlamada.
Mınıstrlik barlyq ótinishter ártúrli málimetter bazasynda birneshe parametrler boıynsha muqııat tekserilgendigin túsindirdi. Sonymen, aty-jóni, JSN, banktik shot nómiri, eńbek qyzmeti týraly málimetter muqııat tekseriletinin de eskertti.
«Málimetterdi tekserý kezinde faktiler anyqtaldy, oǵan 42,5 myń teńge alýǵa quqyǵy joq adamdar, sonyń ishinde jumys isteıtin azamattar da usynǵan. Sonymen qatar, qaıtys bolǵan adamdar nemese shetelde turatyn adamdardyń atynan ótinishter túskeni de anyqtaldy. Mundaı ótinishterdi áleýmettik saqtandyrý júıesine eshqashan qatyspaǵan jáne eshqandaı shegerimder jasamaǵan azamattar jiberedi. 405 myńnan astam osyndaı faktiler anyqtaldy», dep habarlady departamentten.
«О́tinishterdiń qaıtalanýyn anyqtaý jáne olardy joıý úshin berilgen 3,1 mln ótinimniń árqaısysy boıynsha derekterdi muqııat tekserý qajet», delingen mátinde.
Sonymen birge, mınıstrlik turǵyndardan úsh kún ótkennen keıin tólem týraly habarlama almasa, alańdamaýyn ótindi. «О́tinishterdi qaraý merzimi uzarýy múmkin», - dep atap ótti vedomstvo.
