COVID -19 indetiniń taralýyna jol bermeý maqsatynda, qala ákiminiń basshylyǵymen tıisti organdardyń múshelerimen jumys toby qurylyp, shtab otyrystary ótkizilip, barlyq qajetti is-sharalar uıymdastyrylyp, jolǵa qoıyldy.
Kóp páterli turǵyn úılerdiń ortaq paıdalanatyn oryndaryn (lıftter, dálizde ornalasqan tereze, esik tutqalary, qabyrǵalary, domofon, súıenishterdi) deznıfeksııalaý jumystary basqarýshy organdarynyń qyzmetkerleriniń jáne turǵyndardyń kúshimen júrgizilýde.
-Atap aıtqanda 27 Basqarýshy kompanııa ózderiniń arnaıy dezınfeksııalyq jabdyqtarymen turǵyn úılerde deznıfeksııalaý jumystaryn júrgizýde. Sondaı-aq, atalǵan kompanııalar óz jabdyqtaryn basqa qyzmet kórsetýshilerge berý arqyly, keste boıynsha is-sharalar turaqty jasasýǵa kómektesedi. Ákimdik tarapynan, turǵyndardyń ótinishterine der kezinde shara qabyldanyp, oryndalý barysy qadaǵalanýda, dedi Aqtaý qalalyq turǵyn-úı ınspeksııasy memlekettik mekemesiniń basshysy Gúljan О́mirzaqova.
Sondaı-aq Qorǵanys mınıstrliginiń áskerı qyzmetshilerinen jasaqtalǵan toptyń kómegimen 1 sáýirden bastap Aqtaý qalasyndaǵy barlyq shaǵyn aýdandardyn ishilik aýmaqtaryn, turǵyn úılerdiń aınalasyn dezınfeksııalaý boıynsha jospar jasaqtalyp, jumystary kúndelikti júrgizilýde.
Qazirgi ýaqytta, 1-shi jáne 17-shi shaǵyn aýdandardyn aralyǵyna deıingi barlyq aýdandar, jaıaý júrý joldary, aıaldamalar, úı aýlalary men oryndyqtar, qoqys jáshikteri, balalar jáne sport oıyn alańdaryna zalalsyzdandyrý jumystary júrgizilip, is-sharalar jalǵasýda.
Sonymen qatar, Áskerı qyzmetshilerinen jasaqtalǵan jumys tobymen, 25-shi naýryzdan beri qala boıynsha halyq kóp shoǵyrlanatyn oryndardy zalalsyzdandyrý jumystary iske asyrylýda.
30 jáne 31 naýryz kúnderi qala ákimdiginiń kommýnaldyq qyzmetterimen 7 arnaıy tehnıka jumyldyrylyp, qala aýmaǵyndaǵy barlyq ortalyq kósheler jáne teńiz jaǵalaýyn dezınfeksııalaý jumystary atqaryldy.
Aqtaýda 4 sáýirde 11 sh/a 10 úı meken-jaıynda KVI juqtyrǵan eki adamnyń jáne 6 sáýirde 14 sh/a 38 úı meken-jaıy boıynsha anyqtalǵan taǵy eki adamnyń turatyn turǵyn úıler tolyqtaı arnaıy uıymdarmen dereý dezınfeksııalandy. Turǵyn úıdiń 500 metr qashyqtyqqa deıin ornalasqan barlyq nysandar dezınfeksııalandy. Karantın rejıminiń talabyna sáıkes, naýqas anyqtalǵan podezd turǵyndary oqshalaýndy. Karantınge engizilgen podezd turǵyndaryna sanıtarlyq mamandar barlyq erejelerdi túsindirdi. Qazirgi tańda atalǵan obektilerde polısııa qyzmetkerleri táýlik boıy kezekshilik etýde.
Karantınniń ýaqytyna jabylǵan dáliz turǵyndary birinshi qajettilik jáne basqa da taýarlarmen turaqty qamtamasyz etilýde. Sol dálizderdiń qasynda basqarýshy organdarymen bólek qoqys jáshikteri de tazalanyp turady. Uıymdastyrý sharalaryn qalalyq ákimdiktiń qyzmetkerleri úılestiredi.
Mańǵystaý oblysy
