Shyǵyn kólemin esepteı kele, ónim quny zańdy tulǵalarǵa 5 lıtri 20 myń teńge dep belgilengen.
-Aldaǵy ýaqytta shıkizatty áldeqaıda arzan baǵamen alýdy josparlap otyrmyz. Sol kezde baǵany tómendetemiz. 5 l ónim úlken ujymdarǵa arnalǵan. Jeke paıdalaýǵa kólemi kishi túrin alýyńyzǵa bolady, deıdi kásiporyn basshysy N. Djalımov.
Jergilikti ónimniń quny syrttan tasymaldantyn shıkizattar esebinen qoıylady. О́nim quramy: glıserın, spırt, sý totyǵy t.b qosyndysy negizinen turady. О́nerkásip basshylarynyń aıtýynsha, zańdy tulǵalarǵa 1 l- 4 myń tg, al jeke tulǵalarǵa 1 l - 2 myń teńgeden saýdalanýda. Kásiporynda orta eseppen kúnine 200 l ónim shyǵarylýda. Munaıly aýdanynyń 7 adamyn jumyspen qamtyp otyr. Shaǵyn otbasylarǵa mólsheri 200 ml, 500 ml ónimdi, tıisinshe tómen baǵamen alýǵa bolady.
-Bul ónim qazirgi suranysqa zárý kezde ýaqyt uttyrmaı paıdalanýǵa, halyqtyń qaýipsizdigin qamtamasyz etýde úlken septigin tıgizip otyr. Biz ónimdi mekemelerge, qajet etken jandarǵa tanystyrý, basqa elden kelgen ónimderdiń ornyn otandyq taýarmen aýystyrý baǵytynda qoldaý kórsetip kelemiz, dep tolyqtyrdy sózin MO kásipkerler palatasy dırektorynyń orynbasary G. Qalmuratova.
Aqtaýda antıseptık ónimderin tegin taratýshylar da bar.
Býrgerlik «Barhan Burger Shop» osy qıyn kezeńde taǵam tapsyrystaryn úıge jetkizý arqyly qyzmet etýde. Odan túsken qarajattyń bir bóligin tegin antıseptıkalyq suıyqtyq quralyn taratýǵa jumsaýda. «Barhan Burger Shop» qyzmetkerleri antıseptıkalyq quraldardyń 0,5 l. mólsheriniń 80 danasyn jáne 1 l ónimniń 30 danasyn Aqtaýdaǵy aýrýhanalarǵa jetkizdi. Sóıtip koronavırýs ınfeksııamen kúresetin dárigerlerimizdi qoldaýdy uıǵardy.
