Júlde qory 400 myń teńge. Mańǵystaý oblysynyń Dene shynyqtyrý jáne sport basqarmasy, Shahmat federasııasy, sondaı-aq «Debıýt» shahmat mektebiniń tehnıkalyq qoldaýymen óńirde 2020 jyldyń 19-sáýirinde CHESS.COM. saıtynyń Mangystau Chess Klýbynda «Kaspıı Patshasy» onlaın chempıonat ótedi dep josparlanýda. Qatysýǵa nıetti oblys turǵyndary úshin eshqandaı shekteý joq. Tek qana atalǵan saıtta óz akkaýntyn ashyp, ótinim toltyrsa bolǵany.
- Jalpy jarys 11 týrdan turady. Blıs rejımde 3 mınýt 2 sekýndtan qosylyp ár júris úshin qosylady. Arnaıy osy joba úshin CHESS.COM. saıty tańdaldy. О́ıtkeni, atalǵan saıttyń aýqymy keń. Bul saıys shahmatshylar úshin úlken múmkindik dep esepteımin. Oblys turǵyndary Iýtýb jelisi arqyly tikeleı baılanysta tamashalaı alady, - dedi «Debıýt» shahmat mektebiniń basshysy Anvar Shaıhymov.
Básekede baq synaımyn deýshiler úshin ótinim qabyldaý 18-sáýir kúni toqtaıdy. Chempıonatta Almaty, Pavlodar, Qaraǵandy qalalarynan «Halyqaralyq dárejedegi sport sheberleri» onlaın qazylyq etetin bolady. Jarys qorytyndysy 2 kúnnen keıin jarııalanyp, qatysýshalar aqshalaı syılyqtarmen marapattalady.
- Búgingi kúnge deıin 100-ge jýyq qatysýshy tirkelgen. Alda mundaı chempıonattyń qalalyq, oblystyq kezeńderin ótkizý josparda, - deıdi uıymdastyrýshylar.
Mańǵystaý oblysy
