Ulybrıtanııa men Túrkııadan jetken sońǵy málimetter máz emes. Derekter kún saıyn jańa tirklegen naýqastar sanymen tolyǵyp jatyr. Sonymen bir merzilde, keıbir elderde jaǵdaıdyń jaqsara bastataǵany baıqala bastaǵan.
«Bul týraly Dúnıejúzilik densaýlyq saqtaý uıymynyń resmı ókili Margaret Harrıs Jenevada ótken brıfıngte aıtty» dep habarlaıdy RBK.
Onyń aıtýynsha, barlyq jańa ınfeksııalardyń 90% Eýropa men AQSh-ta kezdesedi. Onyń ústine Eýropadaǵy jaǵdaı birkelki emes. Eger keıbir memleketterde ister sanynyń azdap tómendeýi baıqalsa, Ulybrıtanııa men Túrkııada, kerisinshe, kóbeıe beredi.
Qytaıdaǵy jaǵdaıǵa túsinik bere otyryp, DDU ókili bul eldegi jańa jaǵdaılardyń 90% ımporttalǵanyn, basqasha aıtqanda syrttan kelgen adamdar arqyly kóbeıgenin aıtyp ótti: Infeksııanyń bastapqy oshaqtarynda Qytaı jerinde jaǵdaı turaqty. DDU ókili sonymen birge aldaǵy 12 aıda koronavırýstyq vaksına jasaýǵa bolatynyna kúmán keltirdi.
Buǵan deıin birqatar mamandar COVID-19-diń biryńǵaı vaksınasynyń barlyq derde birdeı kómektesetinine kúmán keltirgen: Sebebi Italııa nemese Fransııadaǵy derttiń áserin Qytaı, Orta Azııadaǵy jaǵdaımen salystyrýǵa bolmaıtyny baıqalyp qaldy.
Bir kún buryn, Shanhaıdaǵy pnevmonııany emdeý jónindegi sarapshylar tobynyń jetekshisi Chjan Venhong koronavırýsty jyl sońyna deıin tolyqtaı jeńýge bolmaıtynyn alǵa tartty. Onyń aıtýynsha, qarasha aıynda álem indet taralýynyń jańa tolqynyn kútedi, biraq onyń saldary budan bylaı apatty bolmaıdy. Qytaılyq maman ekinshi tolqynnan Afrıka men Ońtústik Amerıkanyń jetilmegen densaýlyq saqtaý júıeleri eń kóp zardap shegetinin atap ótti.
Djons Hopkıns ýnıversıtetiniń málimeti boıynsha, búkil álemde 1,95 mıllıon adam koronavırýsty juqtyrǵan. Juqtyrǵandardyń eń kóp sany AQSh-ta (582,5 myń), Ispanııada (170 myń), Italııada (159,5 myń), Fransııada (137,8 myń) jáne Germanııada (130 myń) tirkeldi. 119,8 myń adam qaıtys boldy, 458,5 myń adam qalpyna keltirildi.
Osyǵan deıin álemdik BAQ AQSh-ta DDU-ny qarjylandyrýǵa bas tartý týraly áńgimeniń júrip jatqanyn aıtqan. bbc.com portaly osydan 4 saǵat buryn AQSh prezıdenti Donald Tramp, Dúnıejúzilik densaýlyq saqtaý uıymynyń (DDSU) bıýdjetine AQSh jarna tóleýdi toqtata turýǵa buıryq bergenin habarlady.
Dúnıejúzilik densaýlyq saqtaý uıymyn qarjylandyrýdyń eń kóp bóligi AQSh-qa tıesili: О́tken jyldyń ózinde olardyń salymy 400 mıllıon dollardy nemese uıym bıýdjetiniń 15 paıyzyn qurady.
«BUU Bas hatshysy Antonıo Gýterrısh «Qazir bul vırýsty jáne onyń [indettiń] apatty saldaryn boldyrmaýǵa arnalǵan halyqaralyq qaýymdastyqtyń birlesken jumysynyń ýaqyty kelgenin aıtty», dep habarlady Reıters agenttigi.
Demek, bul indettiń betin qaıtarý úshin adamzatqa kúsh biriktirýden ózge amal joq.
